Сейсенбі, Мамыр 28, 2024
11.2 C
Kokshetau
10 C
Nur-Sultan
23 C
Almaty
ЖаңалықтарМаңыздыЗейнетақы жинағын үлескерлік құрылысқа салу мүмкіндігі кеңейтілуі мүмкін

Зейнетақы жинағын үлескерлік құрылысқа салу мүмкіндігі кеңейтілуі мүмкін

ҚР Бәсекелестікті қорғау және дамыту агенттігі біржолғы зейнетақы төлемін тұрғын үй жағдайын жасқарту үшін пайдалану тәртібінен әкімшілік кедергілер тапқан, деп хабарлайды ҚазАқпарат тілшісі.

Агенттіктің берген мәліметі бойынша, қолданыстағы тәртіп біржолғы зейнетақы төлемдерін «Бәйтерек» ұлттық басқарушы холдингінің бірыңғай операторының кепілдігі бар компаниялардың ғана үлестік құрылысына салуға рұқсат етеді. Ал екінші деңгейдегі банк қаржыландыратын жобаға зейнетақы жарналарын пайдалану мүмкін емес.

«Тұрғын үй құрылысын «Тұрғын үй құрылысына үлестік қатысу туралы» ҚР Заңында көзделген ұсынылатын үш тәсілдің бірі бойынша жүргізуге болады: 1) бірыңғай оператордың кепілдігін алу; 2) Екінші деңгейдегі банктің жобасына қатысу; 3) көппәтерлі тұрғын үйдің қаңқасы тұрғызылғаннан кейін үлескерлердің ақшасын тарту», – деп түсіндіреді агенттік мамандары.

Бәсекелестікті қорғау және дамыту агенттігі бұл кедергіні жою үшін Индустрия және инфрақұрылымдық даму министрлігіне нақты ұсыныс беріп отыр.

«Қазақстан Республикасының заңнамасы бойынша тұрғын үй жағдайларын жақсарту үшін біржолғы зейнетақы төлемдерін пайдалану қағидаларының бесінші және 14-тармағы арқылы екінші деңгейдегі банктерге біржолғы зейнетақы төлемдерін пайдалана отырып, тұрғын үйдің үлестік құрылысы бағдарламасына қатысуға мүмкіндік беретін түзету енгізу қажет», – делінген агенттіктің ақпаратында.

Бұл проблема 26 наурызда Қостанай облысында өткен талқылауда көтерілген екен. Қазір агенттік ұсынған түзетуді Индустрия және инфрақұрылымдық даму министрлігі пысықтап жатыр. Құзырлы органның талабы бойынша анықталған әкімшілік кедергі 2021 жылдың желтоқсанына дейін жойылуы керек.

Дереккөз: ҚазАқпарат

- Жарнама -Newspaper WordPress Theme

Соңғы жаңалықтар

Jeti Qazyna зияткерлік ойыны мүмкіндігі шектеулі жандарды қолдау мен дамытуға бағытталған

Әсет Сағынайұлы Байжолов - әлеуметтік кәсіпкер, оның қызметі мүмкіндігі шектеулі жандарды қолдау мен дамытуға бағытталған. Көкшетау қаласында 2023 жылдың қыркүйегінен бастап Jeti Qazyna зияткерлік ойыны...

С.Нұрмағамбетов -100 жыл: Көкшетауда «Батырлардың даңқы мәңгілік» атты әскери – танымдық іс – шарасы өтті

Ақмола облысы Ішкі саясат басқармасының «Қоғамдық даму орталығы» КММ ұйымдастыруымен Халық Қаһарманы, Тәуелсіз Қазақстанның тұңғыш қорғаныс министрі Сағадат  Нұрмағамбетовтың  100 жылдық  мерейтойына орай «Батырлардың...

Көлік құралдарын заңсыз тіркегені үшін сотталды

ЖШС-нің директоры «О.» бұрынғы полиция инспекторы «К.»-мен бірлесіп, 2020 жылдың желтоқсаны - 2022 жылдың қаңтары аралығында шетелден әкелінген көлік құралдарын тіркеуді жүйелі түрде ұйымдастырған....

Аршалы ауданында жүк цистернасынан тұз қышқылы төгілді

Аршалы ауданының Сарыоба станциясында жүк цистерналардың бірінен тұз қышқылының төгілуі орын алды. Ағып кету пайда болған жарықтан пайда болды. Облыстық және аудандық штаб дереу орналастырылды....

Ақкөл қаласында Сағадат Нұрмағамбетовке ескерткіш ашылды

Ақкөл қаласында Кеңес Одағының Батыры, Халық Қаһарманы, тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдық мерейтойына арналған салтанатты іс-шара өтті. Оған...