Сенбі, Сәуір 20, 2024
20.1 C
Kokshetau
21 C
Nur-Sultan
21 C
Almaty
ЖаңалықтарМаңыздыЗейнетақы жинағынан 1 трлн теңгеге ипотекасыз үй сатып алынған

Зейнетақы жинағынан 1 трлн теңгеге ипотекасыз үй сатып алынған

Біржолғы зейнетақы төлемінің арқасында 147 747 адам ипотека көмегінсіз-ақ үй сатып алған, деп хабарлайды ҚазАқпарат тілшісі.

Бірыңғай зейнетақы жинақтаушы қорының баспасөз қызметі осындай мәлімет таратты.

«Қазақстандықтар enpf-otbasy.kz платформасы арқылы тұрғын үй мен емделу ақысын төлеуге 1,5 триллион теңге зейнетақы жинағын пайдаланды. Біржолғы зейнетақы төлемдерінің көмегімен тұрғын үй жағдайын 279 859 қазақстандық жақсартып үлгерді. Оның ішінде 147 747 адам зейнетақы төлемдерін ипотекасыз тұрғын үй сатып алуға жұмсаған. Бұл мақсатқа жалпы көлемі 1 триллион теңгеден астам қаражат кеткен. Тағы 44 100 қазақстандық «Отбасы банкіндегі» («Бәйтерек» холдингінің еншілес ұйымы) заем бойынша қарыздарын өтеуге 118 млрд теңге жаратқан. 31 мың адам өзге екінші деңгейлі банктерде 117 млрд теңгеге ипотекалық қарызын төлеген. Ал 17 мыңға жуық азамат зейнетақы төлемдерін Отбасы банкінен несие алу үшін алғашқы жарна түрінде жұмсаған», – деп жазылған ресми мәліметте.

Оның 84% екінші нарықтан баспана алса, 16% бастапқы жарнаны құрылыс салушыларға төлеп, жаңа үйден баспана алуды жөн көрген. Тағы 29 793 қазақстандық жалпы көлемі 30 млрд теңге зейнетақы жинағын емделу мақсатына жұмсаған. Біржолғы зейнетақы төлемін қолданған қазақстандықтардың орташа жасы – 41, дені – ер азаматтар (68%).

Нұр-Сұлтан қаласы, Маңғыстау облысы мен Алматы қаласы зейнетақы төлемдерін баспана алу үшін ең көп қолданған аймақтардың алғашқы үштігінде тұр. Ал Солтүстік Қазақстан облысының тұрғындары бірыңғай зейнетақы төлемін пайдалануға ең төмен қызығушылық танытқан.

«Қазақстандықтард туыстарына көмектесуге асық және бұл мүмкіндікті белсенді түрде пайдалануда. Оған біздің статистика куә. Осылайша, 279 859 адамның 35%-ы жинақтарын жартылай немесе толығымен туыстарынан алып, өздерінің тұрғын үй жағдайларын жақсартты. Тіпті туысқандардың аз ғана зейнетақы жинақтарының өзі отбасы ішінде біріктірілгенде, тұрғын үй сатып алуға немесе қолжетімді шарттармен несие алу үшін бастапқы жарна төлеуге мүмкіндік берді» – дейді «Отбасы банктің» басқарма төрайымы, Ләззат Ибрагимова.

Дереккөз: ҚазАқпарат

 

- Жарнама -Newspaper WordPress Theme

Соңғы жаңалықтар

Президент қазақстандықтарға және тілеулестік танытқан шет мемлекеттердің басшыларына алғыс айтты

Қасым-Жомарт Тоқаев қазақстандықтарға және тілеулестік танытқан шет мемлекеттердің басшыларына алғыс айтты. Президент Қасым-Жомарт Тоқаев су тасқынына қарсы күресте көрсеткен қолдауы мен көмегі үшін қазақстандықтарға және...

Автожолдарды топан судан қорғау

Ақмола облысында су тасқынын алдын алу бойынша жұмыстар атқарылуда. Қазіргі таңда Ақмола облысының Қосшы, Жібек Жолы және Атбасар елді мекендерінде «ҚазАвтоЖол» ҰҚ» АҚ мамандары...

8 мемлекеттік қызметшінің құқықтары қалпына келтірілді

Қазақстан Республикасы Мемлекеттік қызмет істері агенттігінің Ақмола облысы бойынша департаментімен Қазақстан Республикасы Мемлекеттік қызмет істері агенттігі төрағасының 07.12.2023 жылғы № 237 бұйрығына сәйкес Бурабай...

Мемлекеттік қызмет істері департаменті жыл басынан бері 22 көрсетілетін қызметті алушылардың құқықтарын қалпына келтірді

ҚР Мемлекеттік қызмет істері агенттігінің Ақмола облысы бойынша департаментінің басты міндеттерінің бірі – көрсетілетін қызмет алушылардың бұзылған құқықтарын қалпына келтіру. Мәселен, 2024 жылдың I тоқсанында...

Департамент шаралар қабылдағаннан кейін азаматқа жеке меншікке жер учаскесі берілді

Ақмола облысы бойынша Мемлекеттік қызмет істері агенттігінің департаментіне Көкшетау қаласының әкімдігі «Жер учаскесін жеке меншікке немесе бөліп-бөліп сату» мемлекеттік қызметін көрсетуден бас тару мәселесімен...