Қазақстан Республикасы Мемлекеттік қызмет істері агенттігінің Ақмола облысы бойынша департаментімен Қазақстан Республикасы Мемлекеттік қызмет істері агенттігі төрағасының 07.12.2023 жылғы № 237 бұйрығына сәйкес Бурабай ауданы әкімінің аппаратында бақылау және қадағалау субъектісіне (объектісіне) барып профилактикалық бақылау және қадағалау жүргізді, оның қорытындысы бойынша 8 мемлекеттік қызметшінің құқықтары қалпына келтірілді.
Осылайша, анықталған бұзушылықтарды жою туралы енгізілген нұсқаманың негізінде қызметкерлерді тәртіптік жауапкершілікке тарту туралы заңсыз шығарылған 3 актінің күші жойылды. Мәселен, Мемлекеттік қызметшілерге тәртіптік жаза қолдану қағидаларының 34-тармағының талаптарын ескермей, қызметкерлер қызметтік тергеп-тексеру жүргізбестен және тәртіптік комиссияның ұсынымынсыз ақылға қонымды теріс қылықпен келісімі болмаған кезде жауапқа тартылды.
Бұдан басқа, қызметшіні тиісті актіні жарияламай үстеме жұмысқа тарту фактісі анықталды, осыған байланысты Департамент араласқаннан кейін қызметшіге демалыс сағаттары берілді.
Бұдан басқа, мемлекеттік қызметшілердің жыл сайынғы еңбек демалыстарын уақтылы төлемеуінде көрсетілген «Қазақстан Республикасының мемлекеттік қызметі туралы» Заңның 54-бабы 1-тармағының 4 бұзушылығы анықталды.
Сонымен қатар, Қазақстан Республикасы Еңбек кодексінің 113-бабында жұмыс беруші қызметкерге төлемді кешіктіру кезеңі үшін берешек пен өсімпұл төлейді деп көзделген.
Осыған байланысты, Департамент талаптарының негізінде 4 қызметшіге іссапар шығыстарының тиесілі сомасы және демалысты уақтылы төлемегені үшін жалпы сомасы 16 мың теңгеден астам өсімпұл төленді.
