2022 жылдың 15 сәуірі мен 15 мамыры аралығында Ақмола облысы аумағында табиғатты қорғау заңнамасын бұзудың жолын кесу, ақбөкендерге браконьерлік жасау, олардың дериваттары мен жабайы фаунаның басқа да түрлерін өткізуге, сатып алуға маманданған ұйымдасқан қылмыстық топтардың қызметінің жолын кесу мақсатында «Ақбөкен» кең ауқымды акциясы өтіп жатыр.
ЖАІШ өткізуге ішкі істер органдарының жеке құрамы жұмылдырылды. Экология, геология және табиғи ресурстар министрлігінің орман шаруашылығы және жануарлар дүниесі аумақтық инспекцияларымен бірлесіп рейдтік іс-шаралар өтуде.
Айта кету керек, жыл басынан бері облыстық ПД табиғатты қорғау полициясы мен орман шаруашылығы және жануарлар дүниесі аумақтық инспекцияларының қызметкерлері табиғатты қорғау заңнамасы саласында 200-ден астам әкімшілік құқық бұзушылықты анықтады.
Жедел алдын алу іс-шарасы барысында аң аулау ережелерін бұзу жөнінде 6 әкімшілік іс толтырылып, ҚР ҚК 337-бабы «Заңсыз аң аулау» бойынша сотқа дейінгі тергеу басталды.