Ақмола облыстық сотының төрағасы Арман Жүкенов облыстың сот корпусына тағайындалған облыстық сотының судьясы мен аудандық соттарының төрағаларын таныстырды.

Қазақстан Республикасы Президентінің 2022 жылғы 28 желтоқсандағы Жарлығымен:

— Ақмола облыстық сотының судьясы қызметіне Олжас Сүлейменов Бұланды аудандық сотының төрағасы қызметінен босатыла отырып, тағайындалды;

— Атбасар аудандық сотының төрағасы қызметіне осы соттың судьясы Әсел Жапарова;

— Бурабай аудандық сотының төрағасы қызметіне осы соттың судьясы Әсел Әбимұратова;

— Бұланды аудандық сотының төрағасы қызметіне Дамиля Нәукенова Абай облысы Бородулиха аудандық сотының судьясы қызметінен босатыла отырып;

— Қорғалжын аудандық сотының төрағасы қызметіне Серік Төлеев Көкшетау қаласының әкімшілік құқық бұзушылықтар жөніндегі сотының судьясы қызметінен босатыла отырып, тағайындалды.

Арман Жүкенов тағайындалған облыстық соттың судьясы мен жергілікті соттардың төрағаларын жаңа қызметке кірісуімен құттықтап, азаматтардың құқықтарын қорғау, заң үстемдігін қамтамасыз ету және сотқа сенімін нығайтуды аса маңызды міндеттері ретінде белгілей отырып, жемісті жұмыс, сот төрелігін адал жүзеге асыруды тіледі.

Құттықтау сөзін сот жүйесінің ардагері, отставкадағы судья Мейрам Ғибәділов сөйледі.

Ақмола облыстық сотының баспасөз қызметі.