АҚШ-тың Федералды тергеу бюросы Массачусетс штатында Пентагонның құпия құжаттарының таралып кетуіне қатысы бар деген күдікпен Ұлттық гвардияның әскери қызметшісін қамауға алды, деп хабарлайды euronews.com.
Әділет департаментінің басшысы Меррик Гарланд 21 жастағы Джек Тейшейра «Ұлттық қорғаныс туралы құпия ақпаратты рұқсатсыз алып тастау, сақтау және беру туралы тергеуге байланысты» қамауға алынды деп мәлімдеді.
Бейсенбі күні түстен кейін ФБР агенттері Тейшейраны «еш кедергісіз» тұтқындады. Ол Массачусетс штатының АҚШ аудандық сотына қарайды. Ол 10 жылға дейін бас бостандығынан айырылуы мүмкін.
Тейшейра 2019 жылдан бастап Массачусетс штатындағы АҚШ Ұлттық гвардиясының 102-ші әуе күштерінің барлау бөлімінде қызмет етті. Ол компьютерлік жүйелердің жұмысын қамтамасыз етуге жауапты болды.
Пентагон ішкі тергеу жүргізіп, құпия құжаттарды жариялау кезінде келтірілген зиянды бағаламақшы.
«Бізде құпия ақпаратты қорғаудың қатаң ережелері бар екенін түсіну маңызды. Бұл қасақана ауыр қылмыс болды»,-дейді Пентагонның өкілі Патрик Райдер.
Кем дегенде елу құпия құжат интернетте бейне ойын әуесқойлары арасында танымал discord платформасында орналастырылған.
Айта кетсек, желіде пайда болған кейбір материалдар Украинадағы соғысқа қатысты. Сондай-ақ АҚШ одақтастары, атап айтқанда Израиль, Оңтүстік Корея және Түркия туралы ақпарат бар.