-27.9 C
Kokshetau
-27.9 C
Kokshetau
Бейсенбі
Ақпан, 9

Ақмола облысы әкімдігінің мемлекеттік қызметшілері парасаттылыққа шақырылды

Ақмола облысында сыбайлас жемқорлықтың себептері мен жағдайларын жою мақсатында өңірлік Сыбайлас жемқорлыққа қарсы қызмет басшысы Арман Рахимов пен облыс әкімінің орынбасары Ғалымжан Әбдіқалықовтың, сондай-ақ Ақмола облысы әкімдігінің аудандық бөлімшелерінің қатысуымен кездесу өтті.

Кездесу барысында қатысушылар кәсіпкерлік субъектісінен пара алу фактісі бойынша басшы лауазымды тұлғаға қатысты қылмыстық іс шеңберінде ҚР ҚПК 200-бабының тәртібінде енгізілген ұсынысты қарады.

Қылмыстық құқық бұзушылық қызметтік міндеттерін адал атқармау, сондай-ақ мемлекеттік қолдау тетіктерін заңнамалық деңгейде нақты регламенттеудің болмауы салдарынан мүмкін болды.

Осыған байланысты, алдағы уақытта осындай құқық бұзушылықтарға жол бермеу мақсатында облыстық Антикор бірқатар нақты ұсынымдар, оның ішінде нормативтік-құқықтық актілерге тиісті өзгерістер енгізу үшін ұсынымдар енгізді.

Сыбайлас жемқорлыққа қарсы қызметтің аумақтық департаментінің басшысы сөз сөйлеу барысында сыбайлас жемқорлыққа қарсы іс-қимыл саласында жүргізіліп жатқан жұмыс тек кінәлі адамдарды анықтау мен жазалауды көздемеуі тиіс екенін атап өтті.

«Өкінішке орай, жыл сайын жергілікті атқарушы органдарда сыбайлас жемқорлық фактілері қайталанып отырады, бұл басты проблемаларды шешпейді. Сондықтан, сыбайлас жемқорлық тәуекелдерін, оның ішінде құқықтық реттеудегі олқылықтарды жою бойынша бірлескен жұмыс жүргізу қажет. Барлық мүдделі тараптардың қатысуымен орын алып отырған проблемалық мәселелерді сындарлы талқылау қажет. Сыбайлас жемқорлыққа қарсы тиімді әрекет ету үшін жергілікті атқарушы органдардың басшылығы алдын алу сипатындағы шаралар жүйесін іске асыруға тікелей және белсенді қатысуы қажет», – деді Арман Рахимов.

Соңғы мақалалар

- Жарнама - spot_imgspot_img

Тақырып бойынша мақалалар

Өзге де мақалалар