Дүйсенбі, Шілде 15, 2024
17.6 C
Kokshetau
19 C
Nur-Sultan
21 C
Almaty
ЖаңалықтарҚоғамАқмола облысына шетелдің 25-тен астам ұйымы гуманитарлық көмек көрсетті

Ақмола облысына шетелдің 25-тен астам ұйымы гуманитарлық көмек көрсетті

Ақмола облысы бойынша Сыбайлас жемқорлыққа қарсы іс-қимыл департаменті «Ақмола-адалдық алаңы» жобалық кеңсесімен, сондай-ақ уәкілетті мемлекеттік органдармен және қоғам өкілдерімен бірлесіп, өткен жылдың шілде айынан бастап СОVID-19-ға қарсы күресу үшін түрлі елдерден келіп түсетін гуманитарлық көмектің бөлінуіне тұрақты түрде бақылау жүргізеді.

Гуманитарлық көмекті «СҚ-Фармация» ЖШС қабылдайды, содан кейін Денсаулық сақтау министрлігімен келісім бойынша бөлу қағазы қалыптастырылады және республика өңірлері бойынша жүк тасымалдау жүзеге асырылады. Ақмола облысында облыстық Денсаулық сақтау басқармасы гуманитарлық көмекті бөлуді айқындайды.

Бүгінгі таңда Катар, Қытай, Ресей, Түркия, Өзбекстан, Израиль, Грузия, Сербия, Германия, АҚШ, БАӘ, Польша, Швеция, Португалиядан келген 25-тен астам ұйым, сондай-ақ қайырымдылық қорлары, жеке компаниялар және Дүниежүзілік денсаулық сақтау ұйымы өңірге гуманитарлық қолдау көрсетті.

Келіп түскен 700 мыңнан астам жеке қорғану құралдары, дәрілік заттар мен медициналық бұйымдар жұмыс тобының бақылауымен облыстың медициналық мекемелеріне таратылды.

Тауарды мақсатсыз пайдалану мүмкіндігін болдырмау үшін дәрі-дәрмектер мен бұйымдардың әрбір қаптамасына «Гуманитарлық көмек. Тегін. Сатуға болмайды» арнайы мөрі қойылады.

Сонымен қатар, құрамында Сыбайлас жемқорлыққа қарсы қызмет қызметкерлері, мүдделі мемлекеттік органдар мен белсенді қоғам белсенділері бар мониторингтік топ дәрілік заттар бағасының негізсіз көтерілуіне жол бермеу мақсатында өңірдің дәріханаларына, медициналық мекемелері мен қоймаларына мониторинг жүргізеді. Дәрі-дәрмектің бағасын көтерудің 32 фактісі анықталып, 14 әкімшілік хаттама толтырылды.

Естеріңізге сала кетейік, қандай да бір сыбайлас жемқорлық көріністеріне, оның ішінде денсаулық сақтау саласына тап болған жағдайда азаматтар бұл туралы Сыбайлас жемқорлыққа қарсы іс-қимыл агенттігінің 1424 бірыңғай тегін Call-орталығына хабарлай алады.

- Жарнама -Newspaper WordPress Theme

Соңғы жаңалықтар

Щучье-Бурабай курорттық аймағын дамыту жөніндегі кеңес: өзекті мәселелер мен шешімдер

Ақмола облысының әкімі Марат Ахметжановтың төрағалығымен өткен Щучье-Бурабай курорттық аймағын дамыту мәселелері жөніндегі жұмыс кеңесіне ҚР Президенті Іс Басқармасының, туризм, экономика, көлік және экология...

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...