Ақмола облысы Полиция департаменті ҚР ҚК 287-бабының 3-бөлігі бойынша «Қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру» бойынша сотқа дейінгі тергеп-тексеру жұмыстарын бастады.
Ағымдағы жылдың 28 қазанында Ақмола облысы ПД ұйымдасқан қылмысқа қарсы күрес басқармасының қызметкерлері «Учаске» жедел-іздестіру іс-шараларын жүргізу кезінде Қарасай айналма жолында қару-жарақ арсеналын тапты.
Бетонды суағар жертөлесінен полицейлер атыс қаруының төрт бірлігін тауып алып, тәркіледі: МЦ 2112 маркалы тегіс ұңғылы мылтығы, ЗК 20 калибрлі мылтығы, ТОЗ 5 мылтығы, ИЖ-К 12 калибрлі тегіс ұңғылы мылтықтың кесіндісі. Осы факті бойынша ҚР ҚК 287-бабы 3-бөлігі бойынша сотқа дейінгі тергеу жүргізілуде. Тәркіленген қару баллистикалық сараптамаға жіберілді.
Ақмола облысының Полиция департаменті қарудың, оқ-дәрілердің, арнайы құралдардың орналасқан жері туралы хабарлаған немесе оларды полицияға өз еркімен тапсырған адам қылмыстық және әкімшілік жауапкершілікке тартылмайтынын еске салады. Анонимділікке кепілдік беріледі.
