Сейсенбі, Мамыр 28, 2024
11.2 C
Kokshetau
7 C
Nur-Sultan
22 C
Almaty
ЖаңалықтарҚоғамАқмола облысында «Даму» қорына сыбайлас жемқорлыққа қарсы новеллалар түсіндірілді

Ақмола облысында «Даму» қорына сыбайлас жемқорлыққа қарсы новеллалар түсіндірілді

Ағымдағы жылдың 26 мамырында Ақмола облысы бойынша Сыбайлас жемқорлыққа қарсы іс-қимыл департаментінің басшысы Мұрат Төлеубаев онлайн режимінде «Даму» кәсіпкерлікті дамыту қоры» АҚ өңірлік филиалының өкілдерімен кездесу өткізді.

Кездесу барысында Департамент басшысы мемлекеттік органдармен және белсенді қоғам өкілдерімен бірлесіп сыбайлас жемқорлыққа қарсы мәдениетті қалыптастыру бойынша жүргізіліп жатқан жұмыстар туралы айтып, қатысушыларға сыбайлас жемқорлыққа қарсы іс-қимыл мәселелері бойынша заңнамадағы маңызды өзгерістер мен әкімшілік заңнамаға сыбайлас жемқорлыққа қарсы түзетулерді түсіндірді.

Атап айтқанда, ол мемлекеттік мекемелер мен ұйымдар басшыларының қызметкерлер арасында сыбайлас жемқорлық көріністерінің алдын алу бойынша шараларды міндетті түрде қабылдауына назар аударды, олай болмаған жағдайда Сыбайлас жемқорлыққа қарсы қызмет оларды әкімшілік жауапкершілікке тартатын болады. Сондай-ақ, егер бұрын сыбайлас жемқорлық қылмыс жасаған адамдар жұмысқа қабылданса, мемлекеттік органның немесе ұлттық компанияның басшысы 100 АЕК көлемінде айыппұл түрінде әкімшілік жаза алады.

Мұрат Төлеубаев қызметтік міндеттерін орындау кезінде квазимемлекеттік сектор өкілдерін адалдық және парасаттылық қағидаттарын ұстануға, өз қызметінде ықтимал сыбайлас жемқорлық тәуекелдерін болдырмауға, сондай-ақ сыбайлас жемқорлықтың алдын алу бойынша ақпараттық-түсіндіру жұмысын күшейтуге шақырды.

Өз кезегінде «Даму» облыстық қорының директоры Мәди Рымжанов ұжымдағы сыбайлас жемқорлықтың алдын алу бойынша қабылданып жатқан шаралар туралы баяндады.

Айта кетейік, «Даму» кәсіпкерлікті дамыту қоры кәсіпкерлердің несиелері бойынша сыйақы мөлшерлемесін субсидиялаудың және кәсіпкерлердің банктер алдындағы несиелерін кепілдендірудің қаржылық агенті болып табылады. Алаяқтық пен сыбайлас жемқорлыққа қарсы іс-қимыл жүйесін ұйымдастыру және оның жұмыс істеуі мақсатында акционерлік қоғамда комплаенс-бақылау жұмыс істейді.

Динара НҰРТАЗ, ҚР Сыбайлас жемқорлыққа қарсы іс-қимыл агенттігі Ақмола облысы бойынша департаментінің баспасөз хатшысы.

- Жарнама -Newspaper WordPress Theme

Соңғы жаңалықтар

С.Нұрмағамбетов -100 жыл: Көкшетауда «Батырлардың даңқы мәңгілік» атты әскери – танымдық іс – шарасы өтті

Ақмола облысы Ішкі саясат басқармасының «Қоғамдық даму орталығы» КММ ұйымдастыруымен Халық Қаһарманы, Тәуелсіз Қазақстанның тұңғыш қорғаныс министрі Сағадат  Нұрмағамбетовтың  100 жылдық  мерейтойына орай «Батырлардың...

Көлік құралдарын заңсыз тіркегені үшін сотталды

ЖШС-нің директоры «О.» бұрынғы полиция инспекторы «К.»-мен бірлесіп, 2020 жылдың желтоқсаны - 2022 жылдың қаңтары аралығында шетелден әкелінген көлік құралдарын тіркеуді жүйелі түрде ұйымдастырған....

Аршалы ауданында жүк цистернасынан тұз қышқылы төгілді

Аршалы ауданының Сарыоба станциясында жүк цистерналардың бірінен тұз қышқылының төгілуі орын алды. Ағып кету пайда болған жарықтан пайда болды. Облыстық және аудандық штаб дереу орналастырылды....

Ақкөл қаласында Сағадат Нұрмағамбетовке ескерткіш ашылды

Ақкөл қаласында Кеңес Одағының Батыры, Халық Қаһарманы, тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдық мерейтойына арналған салтанатты іс-шара өтті. Оған...

Жолшылар Көкшетау қаласының мектеп түлектерімен кездесті

Жолшылар Көкшетау қаласының мектептерінің түлектерімен кездесті. Жол активтерінің Ұлттық сапа Орталығының Ақмола облысы бойынша филиалы ұжымы арнайы мектепке барып, кәсіби-бағдар беру дәрісін өткізді. Кездесуге...