Дүйсенбі, Маусым 17, 2024
25.2 C
Kokshetau
23 C
Nur-Sultan
30 C
Almaty
ЖаңалықтарЖемқорлықАқмола облысында колледж директорларына кірістер мен шығыстардың айырмашылығын бақылау туралы айтылды

Ақмола облысында колледж директорларына кірістер мен шығыстардың айырмашылығын бақылау туралы айтылды

Білім беру саласындағы сыбайлас жемқорлықтың алдын алу шеңберінде Ақмола облысы бойынша Сыбайлас жемқорлыққа қарсы іс-қимыл департаменті, Көкшетау қаласының мемлекеттік кірістер басқармасы, Білім басқармасы өкілдерінің, сондай-ақ өңірдегі колледж директорлары мен педагогтарының қатысуымен онлайн-семинар өтті.

Кездесу барысында Департаменттің превенция басқармасының басшысы Жанат Туралинов қатысушыларды сыбайлас жемқорлыққа қарсы заңнамадағы соңғы түзетулер туралы хабардар етті.

Атап айтқанда, а.ж. қаңтарда Мемлекет басшысы бекіткен сыбайлас жемқорлыққа қарсы іс-қимыл мәселелері жөніндегі заңнамаға енгізілген өзгерістерге сәйкес мемлекеттік қызметшілердің, оларға теңестірілген адамдардың, олардың жұбайларының шығыстары мен кірістерінің сәйкестігіне бақылау енгізіледі. Бұл норманы сыбайлас жемқорлыққа қарсы іс-қимыл жүйесінің негізгі іргетасы деп атауға болады. Азаматтардың шығыстары олардың заңды кірістерінен негізсіз асып кеткен кезде әкімшілік шаралар қабылдау – айыппұл немесе жұмыстан босату түріндегі мансаптық санкциялар көзделеді. Бұл ретте әрбір жағдайда тұлғаға шығыстардың заңдылығын негіздеу мүмкіндігі берілетін болады. Бұл новеллалар 2027 жылдан бастап халықты жалпыға бірдей декларациялаумен толық көлемде қамтуды ескере отырып қолданысқа енгізіледі.

Сыбайлас жемқорлық фактілері туралы хабарлайтын адамдарды қорғау жүйесін қалыптастыруға бағытталған түзетулер де көзделген. Енді бұл азаматтарды ұйымның тәртіптік комиссиясының немесе өзге алқалы органының ұсынымынсыз тәртіптік жауапкершілікке тартуға, қызметтен босатуға немесе басқа лауазымға ауыстыруға болмайды.

Сондай-ақ, ұйымдағы сыбайлас жемқорлыққа жол бермеу бойынша кешенді жұмыс жүргізетін сыбайлас жемқорлыққа қарсы комплаенс-қызметтердің қызметін жетілдіру бойынша түзетулер енгізілді. Агенттікке квазимемлекеттік сектор субъектілеріндегі комплаенс-қызметтердің қызметін үйлестіру және Комплаенс-қызметтер туралы үлгілік ережені бекіту бойынша құзыреттер берілген.

Көкшетау қаласының МКБ өкілдері колледж қызметкерлеріне жеке тұлғалардың табыстарын жалпыға бірдей декларациялауды кезең-кезеңімен енгізу туралы айтып берді.

Сонымен қатар, семинарда Білім беру ұйымдарында сыбайлас жемқорлыққа қарсы мәдениетті қалыптастыру бойынша кешенді іс-шаралар жоспары аясында жүргізіліп жатқан жұмыстар талқыланды.

- Жарнама -Newspaper WordPress Theme

Соңғы жаңалықтар

Екі азаматқа Қазақстан Республикасынан тыс жерлерге шығуды ресімдеу бойынша ақпараттық жүйедегі қателіктер түзетілді

Қазақстан Республикасы Мемлекеттік қызмет істері агенттігінің Департаментіне Ақмола облысы Есіл ауданының полиция бөлімі 2018 жылы Қазақстан Республикасынан тыс жерлерге тұрақты тұру үшін шығуға арналған...

Медицина қызметкерлері күні қарсаңында Ақмола облысында санитарлық авиация іске қосылды

Медицина қызметкерлері күні қарсаңында Ақмола облысында санитарлық авиация тікұшағы енгізілді. Бұл жаңалық облыс тұрғындарына шұғыл және жедел медициналық көмек көрсету уақытын айтарлықтай қысқартуға мүмкіндік...

Жаңа баспана алғандармен кездесті

Су тасқыны жөніндегі қоғамдық штабтың төрағасы, аудандық мәслихат депутаты Мейрам Қожахмет Старый Колутон ауылының тұрғындарымен кездесу өткізді. Ол көктемгі су тасқыны кезінде су басқан...

Астрахан ауданында су тасқынынан зардап шеккен отбасыларға тұрғын үй сатып алынып жатыр

Жақында ауданда болған су тасқынынан кейін кейбір елдімекендерде үйлер зақымданған еді. Үкімет пен жергілікті органдар зардап шеккендерге қалыпты жағдайға оралуға көмектесу үшін қолдан келгеннің...

Бұланды ауданында су тасқынынан зардап шеккен тұрғындарға көмек көрсету бойынша белсенді жұмыстар жалғасуда

А. ж. 10 маусымында Вознесенка ауылында залалды өтеу жөніндегі комиссия мүшелерінің жергілікті тұрғындармен кездесуі өтті. Кездесудің мақсаты мүлікті бағалау процесін және өтемақыны есептеу механизмін...