Жексенбі, Шілде 14, 2024
19.9 C
Kokshetau
16 C
Nur-Sultan
16 C
Almaty
ЖаңалықтарҚоғамАқмола облысында  Сайлауалды бағдарламаның іске асырылуын бақылауға бағытталған 12 қоғамдық кеңес құрылды

Ақмола облысында  Сайлауалды бағдарламаның іске асырылуын бақылауға бағытталған 12 қоғамдық кеңес құрылды

Қоғамдық кеңестердің төрағалары мен құрамы сондай-ақ, жұмыс  ережелері бүгін облыстық партия филиалы төрағасы, облыс әкімі Ермек Маржықпаевтың  төрағалығымен өткен облыстық партия филиалының Саяси кеңесі Бюросының отырысында  бектілді.

«Партия Көшбасшысы қойған міндеттерді ескере отырып, ең алдымен партияның сайлау алдындағы уәделерінің орындалуына жүйелік бақылау, бюджет қаражатын жұмсаудың тиімділігі мен ашықтығына бақылау қамтамасыз етіледі. Партияның облыстық филиалы Саяси кеңесі бюросының осы шешіміне байланысты партиялық кураторлар институтының орнына Cайлауалды бағдарламаның нақты бағыттарының орындалуын бақылау негізінде 12 қоғамдық кеңес құрылды. Кеңестер қазіргі барлық деңгейдегі депутаттардың төрағалық етуімен құрылып отыр. Олардың құрамына белсенді партия мүшелері, праймеризге қатысушылар,  олардың   этникалық құрамы, қызмет саласы ескеріле отырып  30% әйелдер мен 20% жастардан құрылды»,- деді өз сөзінде өңір басшысы Ермек Маржықпаев.

Жалпы, аталған Қоғамдық кеңестер Партия Лидерінің алға қойған міндеттерін ескере отырып, өңірде партияның сайлауалды уәделерінің орындалуына жүйелі бақылау, бюджет қаражатының тиімді және ашық жұмсалуына мониторинг жасауды қамтамасыз етеді. Олардың міндетіне өңірлік дамуды жетілдіру бойынша тұжырымдамалық ұсыныстарды, нақты   шешімдерді әзірлеу үшін диалог алаңына айналып, сарапшылар қауымдастығын өзекті әлеуметтік мәселелерді ашық талқылауға тарту, сондай-ақ азаматтық бастамаларға қолдау көрсету міндеттері жүктеліп отыр.

Кеңестердің төрағалығына партия депутаттары мен белсенділерінен бөлек, үкіметтік емес ұйымдардың өкілдері, сарапшылар мен ғалымдар, жалпы қоғамдық пікір көшбасшыларынан іріктелген тиісті саланы жетік меңгерген тәжірибелі азаматтар ұсынылып, Бюро шешімімен «Отбасы, әйелдер және балалардың құқықтарын қорғау мәселелері» жөніндегі облыстық қоғамдық кеңес төрағалығына – Айнагүл Балташева, «Экономиканы дамыту және кәсіпкерлікті қолдау» жөніндегі кеңес төрағасы – Сергей Кистин, «Білім мен ғылымды дамыту» жөніндегі қоғамдық кеңес төрағасына –Марат Сырлыбаев, «Денасулық сақтауды дамыту» жөніндегі кеңес төрағасына Ерлан Аяғанов, «Әлеуметтік мәселелерді дамыту» бағытындағы кеңес төрғасына – Елена Мащинская, «Өңірлік даму» жөніндегі кеңес төрағасына – Қайрат Сұлтанов, «Аграрлық секторды дамыту» – Умар Шоназаров, «Экология жөніндегі» кеңес төрағасына Мәриям Әбішева, «Жастарды қолдау» кеңесін Әділ Жұмабаев,   «Партиялық бақылау» комиссиясы төрағалығына Талғат Жүнісов төрағалық етсе, Сыбайлас жемқорлыққа қарсы іс-қимыл жөніндегі қоғамдық кеңес пен «Miras» аймақтық кеңесін тиісінше Асқарбек Әміржанов  пен Азамат Біржанов  жетекшілік етеді.

Сонымен қатар,  Бюро отырысында есеп беру-сайлау науқанының уақыты бекітілді. Сонымен, 19-29 сәуір аралығында бастауыш ұйымдарының жиналыстары, 26 – 28 сәуірде аумақтық филиалдардың есептік-сайлау конференциялары, сәуірдің соңында облыстық ХХVІІ конференциясы өтеді.

Партиядағы есептік-сайлау науқаны сайланбалы органдардың өкілеттік мерзімінің аяқталуына байланысты өтіп жатыр. Есепті кезеңдегі жұмыстар бағалаған соң партия мүшелері БПҰ төрағаларын сайлайды немесе оларды қайта сайлап, Саяси кеңестер мен бюроның құрамын жаңартады. Барлық ұйымдастырушылық процедуралар «партияны жаңғырту» контекстінде өтуде. Сайланбалы органдардың қызметіне негізінен жастар, әйелдер, халық арасында беделге ие белсенді азаматтық позициясы бар адамдар сайланады.

 

 

- Жарнама -Newspaper WordPress Theme

Соңғы жаңалықтар

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...

Мемлекеттік аппаратты кәсібилендірудегі жаңа тәсілдер

Мемлекеттік қызметшілердің парызы - халыққа бағдарланған мемлекеттік аппараттың тиімді жұмысын қамтамасыз етуде біртұтас механизм іспетті қызмет ету. Осынау жауапты қызметті абыроймен атқарып, ел үмітін...