Сенбі, Мамыр 18, 2024
17.5 C
Kokshetau
19 C
Nur-Sultan
16 C
Almaty
ЖаңалықтарҚоғамАқмола облысында сыбайлас жемқорлыққа қарсы саясат тұжырымдамасының жобасы талқыланды

Ақмола облысында сыбайлас жемқорлыққа қарсы саясат тұжырымдамасының жобасы талқыланды

Ақмола облысында сыбайлас жемқорлыққа қарсы іс-қимыл мәселелері жөніндегі комиссияның кеңейтілген отырысы өтті, оған өңірдің мемлекеттік органдарының басшылары, қалалар мен аудандардың әкімдері, мәслихат депутаттары, қоғам қайраткерлері және БАҚ өкілдері қатысты.

Күн тәртібіндегі басты мәселе Мемлекет басшысының тапсырмаларын орындау аясында әзірленген 2022-2026 жылдарға арналған Сыбайлас жемқорлыққа қарсы саясат тұжырымдамасы жобасының негізгі ережелерін талқылау болды.

Комиссия отырысында сөз сөйлеу барысында Сыбайлас жемқорлыққа қарсы өңірлік ведомствоның басшысы Арман Рахимов стратегиялық құжаттың өзектілігі мен маңыздылығын атап өтіп, қатысушыларды тұжырымдаманы әзірлеуге өз үлесін қосуға шақырды.

«Халықаралық озық тәжірибені, қоғам мен бизнес өкілдерінің, сарапшылардың пікірлерін, азаматтардың ұсыныстарын, сондай-ақ сыбайлас жемқорлық тәуекелдеріне сыртқы талдаудың қорытындыларын ескере отырып, алдағы 5 жылға арналған Тұжырымдаманың жобасы әзірленді. Құжатта сыбайлас жемқорлыққа қарсы іс-қимыл шеңберіндегі маңызды жетістіктер және мемлекеттің сыбайлас жемқорлыққа қарсы саясатын жетілдірудің одан әрі бағдарлары ұсынылған. Сонымен қатар, бүгін біз сыбайлас жемқорлыққа қарсы іс – қимылда азаматтық белсенділік танытуға дайын әрбір адамның пікірін тыңдау және ескеру үшін жиналып отырмыз», – деді Арман Рахимов.

Отырысқа қатысушыларға 7 бөлімнен тұратын Тұжырымдама жобасының мазмұны таныстырылды. Сыбайлас жемқорлыққа қарсы саясатты одан әрі дамытудың пайымы құжаттың бесінші бөлімінде баяндалған, онда парасатты қоғамды қалыптастыру, сыбайлас жемқорлықтың себептерін барынша азайту, сыбайлас жемқорлық үшін жауапкершіліктің бұлтартпастығын қамтамасыз ету, сыбайлас жемқорлықтың алдын-алуға азаматтық қоғамды тарту, сыбайлас жемқорлыққа қарсы саясат мониторингі мәселелері, сондай-ақ Антикор қызметін жетілдіру мәселелері көрсетілген.

Айта кетейік, облыстың әрбір тұрғыны adal.com.kz арнайы құрылған сайты арқылы тұжырымдама жобасын жетілдіру бойынша өз ұсыныстарын енгізе алады.

«Ақмола – адалдық алаңы» жобалық кеңсесінің жетекшісі, облыс әкімінің сыбайлас жемқорлыққа қарсы іс-қимыл мәселелері бойынша штаттан тыс кеңесшісі Самира Тайтенова Парасаттылықты қалыптастыру жөніндегі кешенді жоспарды іске асыру шеңберінде жергілікті атқарушы органдардың жүргізіп жатқан қызметі туралы баяндады.

Кездесу қорытындысы бойынша жергілікті атқарушы органдардың басшылығына Мемлекет басшысы қойған сыбайлас жемқорлыққа қарсы күрестің алдын алу шараларын күшейту жөніндегі міндеттерді іске асыру шеңберіндегі жұмысты жандандыру тапсырылды.

 

- Жарнама -Newspaper WordPress Theme

Соңғы жаңалықтар

Еліміздің үздік хирург-дәрігерлері Ақмола тұрғындарына ота жасады

Көкшетауда «Жедел абдоминальді хирургияның өзекті мәселелері» атты Халықаралық ғылыми-конференция басталды. Іс-шара үлкен тәжірибесі мен жоғары кәсіби деңгейі бар медицина саласының мамандарының басын қосты. Сонымен...

Музей түні «Ойыншықтар әлемі» көрмесі өтті

Халықаралық музейлер күні қарсаңында 15 мамыр күні Мәлік Ғабдуллин мұражайында «Музейдегі түн» акциясы өтті. Жылдағы дәстүр бойынша, музей бұл күні таңғы сағат 10-нан түн...

Словакия премьер-министрі Роберт Фицоға қастандық жасалды

Шетелдік басылымның мәліметінше, бірнеше оқ жарақатын алған Роберт Фицо жедел ауруханаға жатқызылған. Қазіргі кезде оның жағдай өте ауыр, өміріне қауіп төніп тұрған көрінеді. Сонымен бірге,...

Олжас Бектенов Ақмола облысында Президент тапсырмасының орындалу барысын тексерді

Премьер-Министр Олжас Бектенов жұмыс сапарымен Ақмола облысына барды. Үкімет басшысы өңірдегі көктемгі егіс жұмыстарының барысын тексерді, сондай-ақ ауыл шаруашылығы тауарын өндірушілерімен кездесіп, Макинск қаласындағы...

Көкшетау қаласында құжаттарды ресімдеу үшін арнайы терминал іске қосылды

Көкшетау қаласының азаматтары ХҚКО жанындағы жаңа «Құжаттау терминалының» көмегімен құжаттарды ресімдей алады. Жоба қазірдің өзінде іске қосылды және қазіргі уақытта жоба штаттық режимде жұмыс...