2021 жылғы 12-18 қазан аралығында Ақмола облысы колледждерінің арнайы пәндер оқытушылары мен өндірістік оқыту шеберлері «Көлік және байланыс», «Наубайхана шеберлігі», «Аспаз ісі», «Киім дизайны» құзыреттіліктері бойынша сайысқа түсті.

Байқау қорытындысы бойынша келесі жеңімпаздар анықталды: А.С.Блялов — Көкшетау қ. жоғары техникалық колледжінің ө/о шебері; А.Е.Искакова — Көкшетау қ. Құрылыс-технологиялық колледжінің ө/о шебері; В.А.Мамасалиева — Щучинск қ. жоғары техникалық колледжінің арнайы пәндер оқытушысы; Хавдыразах Кульжазира -Ақан сері атындағы жоғары мәдениет колледжінің арнайы пәндер оқытушысы және тағы 16 педагог конкурстың республикалық кезеңіне облысымыздың атынан келесі бағыттар бойынша қатысады: «Энергетика», «Құрылыс», «Хореография», «Агрономия», «Ветеринария», «Инженерия», «IT-технологиялар», «Қонақ үй әкімшілігі», «Химиялық технология».

Кәсіби шеберлік конкурсының облыстық кезеңінің жеңімпаздары мен қатысушылары Ақмола облысы білім басқармасы басшысының дипломдарымен және грамоталарымен марапатталды.

Облысымызда педагогтар арасында «Үздік педагог», «Үздік ө/о шебері» және т.б. конкурс өткізіледі. Салалар бойынша педагогтар арасындағы аталмыш конкурс алғаш рет өткізілуде және ол педагогтарға өз шеберліктерін көрсетуге, үздік практикалармен алмасуға мүмкіндік береді.