Жексенбі, Маусым 23, 2024
28.2 C
Kokshetau
30 C
Nur-Sultan
30 C
Almaty
ЖаңалықтарҚоғамМәдениетАқмола облысында «Жігіт сұлтаны» байқауы өтті

Ақмола облысында «Жігіт сұлтаны» байқауы өтті

Қазақстан Республикасы Тәуелсіздігінің 30 жылдығын мерекелеу шеңберінде Ақмола облысы әкімдігінің қолдауымен облыстық халық шығармашылық және мәдени демалыс орталығы, Көкшетау қаласының спорт және дене шынықтыру бөлімі тарапынан ұйымдастырылған байқауға облыстың 11 ауданы мен Көкшетау және Степногорск қаласынан 20-29 жас аралығындағы 12 жігіт қатысты.

Байқаудың мақсаты – жастардың бойында Отанына деген сүйіспеншілік сезімін қалыптастыру, ұлттық тәрбие құндылықтарын насихаттау, салт-дәстүрлерді сақтау, ұлттық спорт ойындарын дәріптеу болып табылады.

Байқауға облыстық әдебиет және өнер музейінің директоры, халықаралық «Жігіт сұлтаны» байқауының жүлдегері – Нұрбек Нұралин, Ақмола облысы ішкі саясат басқармасының «Ақмола облысының «Рухани жаңғыру» өңірлік жобалау кеңсесінің басшысы – Марал Жақыпова, Көкшетау қаласы әкімдігінің жанындағы дене шынықтыру және спорт бөлімінің басшысы–Уәлихан Галиев, облыстық халық шығармашылық және мәдени демалыс орталығының бөлім басшысы, республикалық «Жігіт сұлтаны» байқауының жүлдегері – Асылбек Әбенов, Қазақстан Жазушылар одағы Ақмола облыстық филиалының төрағасы, «Серпер», «Дарын» мемлекеттік жастар сыйлықтарының иегері, «Шабыт» халықаралық фестивалінің Гран-При иегері – Алмас Темірбай байқауға төрелік етті.

Байқау екі кезеңмен өткізілді. Бірінші күні қатысушылар Краснояр селосындағы ипподромда өткен «Алғыр жігіт» (жамбы ату, аударыспақ) және «Білекті жігіт» (кір тасын көтеру, армрестлинг) сайыстарында ептіліктері мен шеберліктерін көрсетіп, күш сынасты.

Ал «Көкшетау» мәдениет сарайының сахнасында өткен екінші кезеңде қатысушылар өздерін таныстырып, «Білікті жігіт» сайысында салт-дәстүрге қатысты сұрақтарға жауап берді. «Сегіз қырлы, бір сырлы» сайысында өнерлерін ортаға салды.

Байқау қорытындысы бойынша «Жігіт сұлтаны» Бас жүлдесіне Манарбек Аманкелді (Краснояр ауылы) лайық деп танылды. «Білекті жігіт» аталымында – Саят Жүзжасаров (Сандықтау ауданы), «Өнерлі жігіт» аталымында – Ақылдас Сематай (Зеренді ауданы), «Білікті жігіт» аталымында – Төрежан Бейсембаев (Қорғалжын ауданы), «Алғыр жігіт» аталымында – Наурызбай Әбдібай (Егіндікөл ауданы) жеңімпаз атанды.

Байқау жеңімпаздары ұйымдастыру алқасының бағалы сыйлықтарымен және дипломдармен марапатталды.

- Жарнама -Newspaper WordPress Theme

Соңғы жаңалықтар

Тауларда Қарағанды қаласының тұрғыны құтқарылды

Ер адам Бурабай курортының ең биік тауына көтеріліп, өздігінен түсе алмады. Оқиға орнына Ақмола облысы ТЖД Жедел-құтқару жасағының және «Бурабай» МҰТП құтқарушылары келген бойда Қарағандыдан...

Киелі мекендердің табиғатын бірге сақтайық

ҚР Президенті Іс Басқармасына қарасты «Бурабай-Даму» ЖШС, Бурабай курортында кезекті экологиялық акция өткізді. «Таза Қазақстан» жалпыұлттық экологиялық акциясы аясында Серіктестіктің 30 - дан астам...

Дәрігер – мамандықтың асылы!

Мемлекет басшысы өз Жолдауларында «Елімізге еңбекқор адам, кәсіби маман ең сыйлы адам болуға тиіс. Осындай азаматтар мемлекетімізді дамытады. Біз қарапайым еңбек адамына құрмет көрсетуіміз...

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...