Ағымдағы жылдың 12 мамырында Атбасар қаласында учаскелік полиция инспекторы өз учаскесінің аумағында рейдтік іс-шараларды өткізу кезінде жол бойындағы дәмханалардың бірінде осы мекемеде заңсыз жұмыс істейтін Өзбекстан Республикасының 6 азаматын анықтады.
Тексеру іс – шаралары барысында белгілі болғандай, алты ер адамның жұмысқа орналасуға қандай да бір рұқсат құжаттары болмай, әр түрлі жұмысты істеуші ретінде жұмыс істеген.
Көші-қон заңнамасын бұзғаны үшін шетел азаматтары ҚР ӘҚБтК 517-бабы 5-бөлігі бойынша әкімшілік жауапкершілікке тартылды. Баптың санкциясына сәйкес, еңбек мигранттарына әкімшілік айыппұл салынады немесе Қазақстан Республикасынан тыс жерлерге шығарылады.
Сондай-ақ, заңды бұза отырып, шетелдік азаматтарды жұмысқа тартқан жол бойындағы дәмхананың иесі әкімшілік жауапкершілікке тартылады.