Облыстық ТЖД баспасөз қызметінің мәліметінше, «Қазгидромет» РМК ақпараты бойынша, Ақмола облысында 2021 жылдың 23-25 ақпан аралығында секундына 25 метрге дейін жел күшейеді.
Осыған байланысты «Жақсы-Есіл-Бұзылық» автожолының 0-82 шақырымында (Жақсы мен Бұзылық ауылдарының аралығындағы учаске), «Қостанай-Әулиекөл-Сұрған» автожолының 232-260 шақырымында (Қостанай облысының шекарасы мен Сұрған ауылының аралығындағы учаске) «Жезқазған-Петропавл» автожолының 377-595 шақырымында (Қостанай және Солтүстік Қазақстан облыстарының шекаралары аралығындағы учаске), «Екатеринбург-Алматы» автожолының 917-995 шақырымында (Жақсы ауылы мен Атбасар қаласының аралығындағы учаске), «Екатеринбург-Алматы» автожолының 995-1247 шақырымында (Атбасар және Нұр-Сұлтан қалаларының аралығындағы учаске), «Көкшетау-Атбасар» автожолының 0-184 шақырымында (Көкшетау және Атбасар қалаларының аралығындағы учаске), «Көкшетау-Рузаевка» автожолының 0-61 шақырымында (Көкшетау қаласы-СҚО шекрасы аралығындағы учаске), «Көкшетау-Омбы» автожолының 2-50 шақырымында (Көкшетау қаласы-СҚО шекрасы аралығындағы учаске), «Нұр-Сұлтан-Петропавл» автожолының 304-341 шақырымында (Көкшетау қ.-СҚО шекрасы аралығындағы учаске), «Екатеринбург-Алматы» автожолының 856-917 шақырымында (СҚО шекарасы аралығы-Жақсы ауылына аралығындағы учаске), «Щучье-Зеренді» автожолының 0-80 шақырымында (Щучье қаласы-Зеренді ауылы аралығындағы учаске) көліктердің барлық түріне қозғалысына уақытша шектеу қойылды.
«Құтқарушылар облыс тұрғындарынан «112» қызметінен СМС хабарлама алған кезде елді мекендерден тыс жерлерге шықпауды, сондай-ақ, жабылу орындарында автожолдарда көлік құралдарының жиналуын болдырмауды сұрайды», – делінген ведомствоның хабарламасында.
Облыс тұрғындары кез келген уақытта ауа райы болжамының өзгеруі туралы, сондай-ақ жолдардың жабылуы туралы ақпаратты 1403 нөмірі немесе «Дәрмен» мобильді қосымшасын жүктеу арқылы бақылай алады, онда барлық қажетті ақпарат уақтылы жаңартылып отырады.
Еске сала кетейік, 18-19 ақпан аралығында облыс аумағында боранда жолда қар құрсауында қалған 67 адам, оның ішінде 7 бала эвакуацияланды.
