Жексенбі, Шілде 14, 2024
19.9 C
Kokshetau
16 C
Nur-Sultan
16 C
Almaty
ЖаңалықтарМаңыздыАлаяқтық жасағаны және қаржы пирамидасын  құрған ақмолалық әйел сотталды

Алаяқтық жасағаны және қаржы пирамидасын  құрған ақмолалық әйел сотталды

Ақмола облысы Көкшетау қалалық сотының үкімімен «Рахимбек Консалтинг» ЖШС-нің директоры азаматша «Д» Қылмыстық кодекстің       190-бабы 4-бөлігінің 2-тармағы, 217-бабы 3-бөлігінің 2-тармағы бойынша коммерциялық және коммерциялық емес ұйымдарда басшы лауазымдарды атқару құқығынан 6 жыл мерзімге айыра отырып, жазасын  орташа қауіпсіз қылмыстық-атқару жүйесінің мекемесінде өтеуменен, 6 жыл 8 айға бас бостандығынан айыруға сотталды. Жәбірленушілердің материалдық залалын өтеу туралы талап арыздары қанағаттандырылды.

Сотта анықталғандай, азаматша «Д» Көкшетау қаласында қаржы пирамидасын ұйымдастырып құрды, жеңілдетілген шарттармен мүлік сатып алу үшін ақшаны тарту арқылы заңсыз табыс алып тұрды. Осы мақсатта азаматша «Д» 2016 жылы «Тиімді тұрғын үй», ал 2017 жылы «MANSUR AUTO» тұтынушы кооперативтерін тіркеді.

2016 жылғы қазан – 2021 жылғы маусым аралығында азаматша «Д» үлескерлерге мүлікті тиімді шарттармен сатып алуға уәде беріп, бұрын жүгінген салымшылардың пайлық жарналарын кейінірек жүгінген салымшылардың пайдасына қайта бөліп отырды. Клиенттерді тарту мақсатында ол «OLX» интернет-сайтында хабарландыру жариялап, билбордтарда жарнама беріп, тұрғын үй мен көлік құралдарын сатып алу бойынша басқа бағдарламалармен салыстырғанда кооперативтердің тиімді бағдарламасы туралы мәлімет таратты. Нәтижесінде оған әртүрлі өңірлердің тұрғындары жүгінді.

Бұдан әрі ол клиенттермен пай және кіру жарнасы туралы жалған келісім-шарт жасады. Үлескерлер кооперативтерден қызығушылық тудыратын мүлікті алуға үміттеніп, келісім-шарттар жасасып, кооперативтің шоттарына ақша аударды.

Шарт жасасу кезінде азаматша «Д» қатысушыларды мүлік 3-6 ай ішінде сатып алынады деп сендірді.

Азаматша «Д» азаматтарға тұрғын үй және өзге де техниканы берем деп сылтауымен олардан ақша қаражатын алып, кейіннен оларды өз қалауы бойынша пайдаланды.

Оның қылмыстық әрекет кезеңінде 22 жәбірленушіге 86,5 млн. теңге жалпы сомаға аса ірі мөлшерде залал келтірілді.

Үкім заңды күшіне енген жоқ.

Ақмола облыстық сотының баспасөз қызметі.

 

- Жарнама -Newspaper WordPress Theme

Соңғы жаңалықтар

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...

Мемлекеттік аппаратты кәсібилендірудегі жаңа тәсілдер

Мемлекеттік қызметшілердің парызы - халыққа бағдарланған мемлекеттік аппараттың тиімді жұмысын қамтамасыз етуде біртұтас механизм іспетті қызмет ету. Осынау жауапты қызметті абыроймен атқарып, ел үмітін...