Ақмола облыстық ПД баспасөз қызметінің мәліметінше, ақпанның 27-де Степногор қалалық ПБ-не «Центральная» шахтасының 520 көкжиегінде 1993 жылғы ер адамның көз жұмғандығы туралы хабар түсті.
«Анықталғандай, ер адам өзге бір топ адаммен құрамында алтыны бар кенді заңсыз өндіру үшін шахтаның төменгі қабатына түскен. Кейін топырақ опырылып кетіп, оны басып қалған. Қасында болған үшеу ер адамның денесін сыртқа алып шықты», – деді ведомстводан.
Қазіргі кезде, Қылмыстық кодекстің 269-1-бабы 3-бөлігі «Қорғалатын объектіге заңсыз кіру» бойынша сотқа дейінгі тергеу жүргізілуде.