Жұма, Наурыз 29, 2024
3.2 C
Kokshetau
3 C
Nur-Sultan
11 C
Almaty
ЖаңалықтарМаңызды«Домбыра Fest» фестивалі: Ақмола облысында 1 мыңға жуық домбыршы Құрманғазының күйлерін орындады

«Домбыра Fest» фестивалі: Ақмола облысында 1 мыңға жуық домбыршы Құрманғазының күйлерін орындады

Домбыра – қазақ елінің ғасырлар бойғы айнымас серігі, асқақ рухының айнасы. Домбыраны ұлықтау – ұлт болмысын ұлықтау.

Қазақтың бүкіл болмысы жыр мен әнде көрінді, тұрмыс-салттық дәстүрі өлеңмен бірге өрілді, қуанышы мен қайғысы күмбірлеген күй боп бірге төгілді.

Қазақ тарихының өнер әлемінде танымал Құрманғазы, Дәулеткерей, Тәттімбет, Махамбет, Дина, Сүгір, Қазанғап сынды күй қырандарының жолын ұстанған ұрпақтар, күй өнерінің дарабоздары, күйші-домбырашылар күні бүгін де ғасырдан ғасырға ұласқан бабалар дәстүрін жалғастыруда.

Рухани байлығымызды жаңғыртып, өскелең ұрпақ санасына ұлттық құндылығымызды сіңіру мақсатында Ұлттық домбыра күні белгіленді. Жер-жерде бұл ұлы дәстүрді жаңғырту жолында көптеген іс-шаралар ұйымдастырылады.

Осы орайда Ақмола облысында Ұлттық домбыра күніне орай 1 мыңға жуық домбырашылардың Құрманғазының «Балбырауын», «Сарыарқа» күйлерін бір мезетте орындаудан «Домбыра Fest» фестивалі өтті.

Тұңғыш рет облысымыздың кәсіби домбырашылары мен қала тұрғындары бірлесіп, домбыра кейпінде керемет әуен шырқады.

Ақмола облысының мәдениет мекемелері: Үкілі Ыбырай атындағы Ақмола облыстық филармониясы, «Көкшетау» мәдениет сарайы, М.Жұмабаев атындағы Ақмола облыстық ғылыми әмбебап кітапханасы, Облыстық халық шығармашылық орталығы, Ақмола облыстық тарихи-өлкетану, Көкшетау қаласы тарихы, Мәлік Ғабдуллин, Әдебиет және өнер музейлері, Тарихи мұраны қорғау және пайдалану орталығының қызметкерлері, Көкшетау қаласы «Достар» мәдениет сарайының шығармашылық ұжымдары, сонымен қатар, Біржан Сал, Ақкөл, Аршалы, Атбасар, Бурабай, Жақсы, Ерейментау, Есіл, Жарқайың, Зеренді, Шортанды, Целиноград аудандары мен Көкшетау қаласының білім және мәдениет ошақтары, Мемлекеттік шығармашылық тапсырыс қатысушысы – «Шабыт» білім және шығармашылық орталығы тәрбиеленушілері, М.Ғабдуллин атындағы азаматтық қорғаныс академиясының курсанттары, Ақмола облыстық соты, мемлекеттік органдар, Ақмола облысы денсаулық сақтау басқармасының қызметкерлері мен қала тұрғындары ауқымды мерекелік іс-шараға белсене қатысып, ұлттық құндылығымызды дәріптеуге ат салысты.

Фестивальдің бейнетүсірілімін жүргізген «Хабар», «Көкше ТВ» телеарналары мен «Кокшевидеограм» тілшісі Алихан Қайырбекке ұйымдастырушылардың алғысы шексіз.

Ұлттық домбыра күні құтты болсын! Қазағымыздың киелі домбырасы мәңгі жасай берсін!

- Жарнама -Newspaper WordPress Theme

Соңғы жаңалықтар

8 мемлекеттік қызметшінің құқықтары қалпына келтірілді

Қазақстан Республикасы Мемлекеттік қызмет істері агенттігінің Ақмола облысы бойынша департаментімен Қазақстан Республикасы Мемлекеттік қызмет істері агенттігі төрағасының 07.12.2023 жылғы № 237 бұйрығына сәйкес Бурабай...

Мемлекеттік қызмет істері департаменті жыл басынан бері 22 көрсетілетін қызметті алушылардың құқықтарын қалпына келтірді

ҚР Мемлекеттік қызмет істері агенттігінің Ақмола облысы бойынша департаментінің басты міндеттерінің бірі – көрсетілетін қызмет алушылардың бұзылған құқықтарын қалпына келтіру. Мәселен, 2024 жылдың I тоқсанында...

Департамент шаралар қабылдағаннан кейін азаматқа жеке меншікке жер учаскесі берілді

Ақмола облысы бойынша Мемлекеттік қызмет істері агенттігінің департаментіне Көкшетау қаласының әкімдігі «Жер учаскесін жеке меншікке немесе бөліп-бөліп сату» мемлекеттік қызметін көрсетуден бас тару мәселесімен...

Ақмолада денсаулық сақтау саласындағы 33 ұйымға жемқорлыққа қарсы комплаенс институты енгізілді

Денсаулық сақтау саласындағы 33 ұйымда комплаенс-мамандар жұмыс істейді. Олардың негізгі міндеттері - құқық бұзушылықтардың алдын алу, корпоративтік парасаттылық стандарттарын сақтау және ұйымның іскерлік имиджін...

Ақмола облысында Антикор проблемалық әлеуметтік нысандардың құрылысын сүйемелдеуге алды

Ақмола облысында Сыбайлас жемқорлыққа қарсы іс-қимыл мәселелері жөніндегі ведомствоаралық комиссияның отырысы өтті. Іс-шара барысында облыс әкімі Марат Ахметжанов сыбайлас жемқорлыққа қарсы мәдениетті қалыптастыру қоғамдағы сыбайлас...