Сенбі, Мамыр 18, 2024
17.5 C
Kokshetau
19 C
Nur-Sultan
16 C
Almaty
ЖаңалықтарҚоғамМедицинаЕліміздің үздік хирург-дәрігерлері Ақмола тұрғындарына ота жасады

Еліміздің үздік хирург-дәрігерлері Ақмола тұрғындарына ота жасады

Көкшетауда «Жедел абдоминальді хирургияның өзекті мәселелері» атты Халықаралық ғылыми-конференция басталды. Іс-шара үлкен тәжірибесі мен жоғары кәсіби деңгейі бар медицина саласының мамандарының басын қосты. Сонымен қатар, жетекші қазақстандық хирургтар ақмолалық пациенттер үшін озық операциялар жүргізді.

Бүгінде көпсалалы облыстық аурухана базасында күрделі жоғары технологиялық операциялар сериясы жүріп жатыр. Төрт танымал хирург жергілікті науқастарға озық медициналық көмек көрсетіп қана қоймайды. Сонымен қатар, олар жергілікті дәрігерлерге хирургиялық араласудың заманауи және инновациялық әдістерін көрсетеді.

Мысалы, медицина ғылымдарының докторы, профессор, Қазақстан Республикасының еңбек сіңірген қайраткері Серік Имакұлы Тоқпанов диафрагманың өңеш саңылауының грыжасын жою бойынша операция жасады. А. Н. Сызғанов атындағы «Ұлттық ғылыми хирургия орталығы» АҚ хирургия және бауыр трансплантациясы бөлімінің меңгерушісі, жоғары санатты хирург-дәрігер Мақсат Оңалбайұлы Досханов бауырдың эхинококкты кистасын жою отасын жасады. Өңірдің бас дәрігері еліміздің жетекші хирургтарынан осындай тәжірибе алу өңір дәрігерлері үшін үлкен мәртебе екенін атап өтті.

«Біздің атақты әріптестерімізге берілген білімі мен тәжірибесі үшін алғысымызды айтамыз. Бүгінгі операциялар кезінде Ақмола дәрігерлері баға жетпес дағдыларды игеріп, хирургиялық араласудың жаңа әдістерін меңгеретініне сенімдімін. Практикалық тұрғыда тәжірибе алмасу бүгінде аса маңызды. Сонымен қатар, түрлі аурулары бар өңірдің төрт тұрғынына заманауи тәсілдерді қолдана отырып ота жасалды», – деп тілге тиек етті Ақмола облысы Денсаулық сақтау басқармасының басшысы Нұрлан Ахильбеков.

Сондай-ақ, әртүрлі хирургиялық патологиялары бар науқастар үшін консультациялық қабылдау жоспарланған. «Ұлттық нейрохирургия орталығы» АҚ Басқарма төрағасы, Қазақстан Республикасының бас штаттан тыс нейрохирургы Серік Қуандықұлы Ақшолақов бастаған дәрігерлер тобы көпсалалы облыстық аурухананың пациенттерімен тілдесіп, кеңес берді.

Камила Абдельманова, Ақмола облысы Денсаулық сақтау басқармасының баспасөз хатшысы.

- Жарнама -Newspaper WordPress Theme

Соңғы жаңалықтар

Музей түні «Ойыншықтар әлемі» көрмесі өтті

Халықаралық музейлер күні қарсаңында 15 мамыр күні Мәлік Ғабдуллин мұражайында «Музейдегі түн» акциясы өтті. Жылдағы дәстүр бойынша, музей бұл күні таңғы сағат 10-нан түн...

Словакия премьер-министрі Роберт Фицоға қастандық жасалды

Шетелдік басылымның мәліметінше, бірнеше оқ жарақатын алған Роберт Фицо жедел ауруханаға жатқызылған. Қазіргі кезде оның жағдай өте ауыр, өміріне қауіп төніп тұрған көрінеді. Сонымен бірге,...

Олжас Бектенов Ақмола облысында Президент тапсырмасының орындалу барысын тексерді

Премьер-Министр Олжас Бектенов жұмыс сапарымен Ақмола облысына барды. Үкімет басшысы өңірдегі көктемгі егіс жұмыстарының барысын тексерді, сондай-ақ ауыл шаруашылығы тауарын өндірушілерімен кездесіп, Макинск қаласындағы...

Көкшетау қаласында құжаттарды ресімдеу үшін арнайы терминал іске қосылды

Көкшетау қаласының азаматтары ХҚКО жанындағы жаңа «Құжаттау терминалының» көмегімен құжаттарды ресімдей алады. Жоба қазірдің өзінде іске қосылды және қазіргі уақытта жоба штаттық режимде жұмыс...

Мешіттегі намазда ер адам «Әмин» деп айтқаны үшін соққыға жығылды

Шымкентте мешіттердің бірінде бір топ азамат имамның ескертуіне қарамастан жамағат намазын бұзған. Олар өзге өңірден келген, деп хабарлайды Kazinform. Оқиға 12 мамырда кешкі ақшам намазы...