Ақмола облысының Елорда маңындағы өңірлерінде қардың белсенді еруі басталғаннан бері 600 мың текше метр су сорылды, бұл Айдабол су қоймасымен шамалас, құтқарушылардың, жергілікті атқарушы органдар мен әскери қызметшілердің жедел іс-қимылдарының арқасында Ақмола облысында бірде-бір тұрғын үйді су басқан жоқ, — деп хабарлайды өңірдің ТЖД баспасөз хатшысы Динара Есенбаева.

Төтенше жағдайлар департаментінің бастығы Нұрлан Атығаев 6 өңірде су тасқынының белсенді кезеңі өтіп жатқанын хабарлады. Облыста тасқын суларды апатсыз өткізуді қамтамасыз ету бойынша жұмыстар жүргізілуде. Елорда маңындағы өңірде су тасқыны жағдайы тұрақты, 600 мың текше метр су сорылды, 7000-нан астам инертті материалдары бар қап төселді.

Естеріңізге сала кетейік, ТЖ жағдайына өңірлерде 315 тонна ЖЖМ, 17,2 мың тонна инертті материалдар, 76,8 мың дана қаптар дайындалды. Эвакуацияланушыларды қабылдаудың 222 негізгі пункті дайындалды. Мал айдауға 625 орын және 1,2 млн. тонна жем дайындалды.

Целиноград және Аршалы аудандарының аумағында су тасқынына қарсы іс-шараларды өткізу үшін Департаментпен ҚР ТЖМ Азаматтық қорғаныс полкінің жеке құрамынан 117 адам және 40 әскери қызметші жұмылдырылды.