Сенбі, Сәуір 20, 2024
20.1 C
Kokshetau
14 C
Nur-Sultan
16 C
Almaty
ЖаңалықтарҚоғамХабарсыз кеткен отандастармыздың сүйектері табылды

Хабарсыз кеткен отандастармыздың сүйектері табылды

Ресейдің Тверь облысы Ржев ауданы аумағында жүргізілген халықаралық экспедиция барысында «Пионер» іздеу тобы Ұлы Отан соғысы жылдары қайтыс болған қазақстандық жауынгерлердің сүйектерін тапты.

Топ жетекшісі Михаил Богдановтың әлеуметтік желідегі парақшасында ақмолалық Зейнолла Мақаев, Камен Жұманов және Қарағанды облысының тумасы Жағыпар Оразбаевтың есімдері жазылған медальон табылғаны айтылған. Ржев ауданының жерінде сол қорқынышты уақыттың көптеген «айғақтары» – жауынгерлердің, оқтардың, снарядтардың қалдықтарын кездестіруге болады.

«Асықпай жерді қуыс бұрғымен тексеріп жүрген едім. Еңкейе бергенімде жер бетінде өлім медалінің бакелиттік қарындаш капсуланы байқап қалдым. Мұндай жағдайлар жиі болып тұрады, бірақта менің тәжірибемде бірінші рет. Капсуланың қақпағын бұрап ашып едім, ішінде жазбасы жақсы күйде сақталған», – деп бөлісті топ жетекшісі әлеуметтік желіде.

Белгілі болғандай, ол капсула жауынгер Зайнулла Макаевка тиесілі.

«1922 жылы туған, қызыл әскер-114-ші жеке атқыштар бригадасының атқышы, заградотряд (2-ші взвод), жауынгердің мекен – жайы (отбасының мекен – жайы): Қазақ КСР, Ақмола облысы, Ақмола қаласы, Тельман көшесі, 41-үй, анасы-Бәтима Мәмірова», – делінген қысқа жазбада.
Белгілі болғандай, қызыл әскер жауынгері 11.08.42 жылы «Бельково-Свинино» тірек пункті үшін шайқаста қаза тапқан.

Ақмола облысының тағы бір жауынгері Кәмен Жұманов 1941 жылы Қорғалжын ауданының Киров атындағы совхоздан Қызыл Армия қатарына шақырылған. Осы уақытқа дейін ол хабар-ошарсыз кеткен деп саналды. Қазіргі уақытта оның ұрпақтары Қорғалжын ауданында тұрып жатыр. Жергілікті журналистер Камен Жұмановтың қызы Мәдениет апайды іздеп тапты. Жасы 83-тегі кейуананың айтуынша, ол әкесі майданға кеткен кезде үш жаста болған. Оның қолында қазір әкесінің соғысқа дейінгі фотосуреті ғана сақталған. Мәдениет апайға әкесінің ұрыс даласында жараланып, талдың түбінде қалғаны туралы майдангер жолдастары айтқан. Бұдан өзге ақпарат жоқ.

Батырдың жалғыз қызы әкесі қайтыс болған Ресейдің Ржев ауданына баруды, сондай-ақ әкесінің сүйегін туған жеріне әкеліп жерлеуді жоспарлап отыр. Осы ретте, Қорғалжын ауданының әкімдігі де батырды туған жеріне жерлеуге көмектестетін айтуда.
Айталық, Қорғалжын ауданынан майданға екі мыңға жуық сарбаз аттанды. Олардың ішінде тек 600 жауынгер ғана үйіне оралды. Соңғы майдангер 2015 жылы өмірден өткен.

- Жарнама -Newspaper WordPress Theme

Соңғы жаңалықтар

Президент қазақстандықтарға және тілеулестік танытқан шет мемлекеттердің басшыларына алғыс айтты

Қасым-Жомарт Тоқаев қазақстандықтарға және тілеулестік танытқан шет мемлекеттердің басшыларына алғыс айтты. Президент Қасым-Жомарт Тоқаев су тасқынына қарсы күресте көрсеткен қолдауы мен көмегі үшін қазақстандықтарға және...

Автожолдарды топан судан қорғау

Ақмола облысында су тасқынын алдын алу бойынша жұмыстар атқарылуда. Қазіргі таңда Ақмола облысының Қосшы, Жібек Жолы және Атбасар елді мекендерінде «ҚазАвтоЖол» ҰҚ» АҚ мамандары...

8 мемлекеттік қызметшінің құқықтары қалпына келтірілді

Қазақстан Республикасы Мемлекеттік қызмет істері агенттігінің Ақмола облысы бойынша департаментімен Қазақстан Республикасы Мемлекеттік қызмет істері агенттігі төрағасының 07.12.2023 жылғы № 237 бұйрығына сәйкес Бурабай...

Мемлекеттік қызмет істері департаменті жыл басынан бері 22 көрсетілетін қызметті алушылардың құқықтарын қалпына келтірді

ҚР Мемлекеттік қызмет істері агенттігінің Ақмола облысы бойынша департаментінің басты міндеттерінің бірі – көрсетілетін қызмет алушылардың бұзылған құқықтарын қалпына келтіру. Мәселен, 2024 жылдың I тоқсанында...

Департамент шаралар қабылдағаннан кейін азаматқа жеке меншікке жер учаскесі берілді

Ақмола облысы бойынша Мемлекеттік қызмет істері агенттігінің департаментіне Көкшетау қаласының әкімдігі «Жер учаскесін жеке меншікке немесе бөліп-бөліп сату» мемлекеттік қызметін көрсетуден бас тару мәселесімен...