Ақмола облыстық Полиция департаменті баспасөз қызметінің мәліметінше, қайғылы оқиға мамырдың 14-і күні кешкі сағат 18:55 шамасында орын алды. Бұл туралы Көкшетау қалалық Полиция басқармасының кезекшілік бөліміне жедел жәрдем фельдшері хабарлап айтты.
«Кешкі сағат 18:55-те Абылай хан 15 мекен-жайы бойынша орналасқан 9 қабатты тұрғын үйдің 7-ші қабатынан бала құлап, мерт болды. Ол маусым айында 2 жасқа толар еді”, – деді ведомстводан.
Анықталғандай, бүлдіршін пәтердің ашық тұрған терезесінен абайсызда құлап кеткен. Қазіргі кезде Қылмыстық кодекстің 141-бабы 2-бөлігі “балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау” бойынша сотқа дейінгі тергеу амалдары жүргізілуде.
