Сәрсенбі, Маусым 19, 2024
13.2 C
Kokshetau
15 C
Nur-Sultan
20 C
Almaty
ЖаңалықтарӨңірлерКөкшетауКөкшетауда «Кітап-Аmanat» кітап орталығы ашылды

Көкшетауда «Кітап-Аmanat» кітап орталығы ашылды

Көкшетаулық зиялы қауым, ақын, жазушылар мен фракция мүшелері «AMANAT» партиясы Ақмола облыстық филиалында «Кітап-Амаnat»  орталығын  ашты.

Қоғам қайраткері, жазушы- драматург Жабал Ерғалиев орталықтың ашылу салтанатында білекті бірді жығады, білімді мыңды жығады дей келе, рухани байлық кітапты, білімді қалқан еткендер ғана рухани мықты болатындығын  айтып, партияның бұл бастамасына оң бағасын беріп, кітаптарын сыйлады.

Игілікті шараға арнайы келген ҚР Парламенті Мәжілісінің депутаты Наталья Дементьева әбден күйреуге түскен кітап оқу мен кітап тарату ісінің қайта қолға алынып, бұл іске партия бастамашыл болғандығына өз қуанышын жеткізді.

Партия ардагері, жазушы-аудармашы Ғосман Төлеғұл «Президент халық арасында кітап оқу мәдениетін дамытудың маңыздылығын үнемі айтып келеді. Мемлекет басшысы Түркістанда өткен Ұлттық құрылтайда өскелең ұрпақтың тәрбиесі мен біліміне, ұлттық мүддеге сай келетін кітаптар басып шығаруға ерекше назар аударды»,- деп атап өтіп, аталған жобаның өміршең болуына тілектестік білдіріп, жуырда жарық көрген бірнеше кітабын орталыққа тарту етсе, Ш.Уәлиханов атындағы Көкшетау университетінің жас талантты ақындары өз өлеңдерін оқыды.

Жалпы, бүгінгі таңда  партияның облыстық филиалы жанындағы «Кітап -AMANAT» орталығында 400-ден астам кітап қойылған. Бағалары қымбат емес. Мұнда тек қазақ тілінде жарық көрген жаңа кітаптар ғана сатылмайды, сондай-ақ қазақстандық жазушылардың, авторлардың, баспагерлердің қатысуымен жаңа кітаптардың тұсаукесері мен талқылаулары және тағы басқа іс-шаралар өтеді.

Ақмола облысы бойынша Көкшетау қаласында ашылған кітап орталығы жуық арада Бурабай, Ерейментау және Целиноград аудандарында да ашылмақ.

Бұл жоба Қазақстандағы қазіргі заман авторларының шығармаларын ғана емес, жалпы отандық әдебиетімізді ілгерілетуге бағытталған.

- Жарнама -Newspaper WordPress Theme

Соңғы жаңалықтар

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...

Көлік инфрақұрылымын жақсарту жұмыстары қарқынды

Биыл Ақмола облысында жүздеген шақырым автомобиль жолдары жөнделеді. Қазір Республикалық маңызы бар магистральдардағы жол төсемі қарқынды жаңартылуда. Олардың біршама бөлігі ұзақ уақыт бойы жөндеуді...

Автомобиль жолдарын тазарту жұмыстары жүргізілуде

Ақмола облысындағы республикалық жолдардың бойында бес мың текше метрден астам қоқыс жиналды. Соңғы уақытта жол жиектері тазаланып, жол бойындағы сервис объектілері ретке келтірілді. Өңірде республикалық...

SCAT әуе компаниясының Boeing-735 ұшағы Көкшетауға қатынамақшы

Ақмола облысы Туризм басқармасының мәліметінше, жолаушылардың көбеюіне байланысты SCAT әуе компаниясы 17 маусым мен 31 тамыз аралығында Ақтау мен Шымкент қалаларына қатынайтын рейстерге жолаушылар...