Жексенбі, Маусым 23, 2024
28.2 C
Kokshetau
30 C
Nur-Sultan
30 C
Almaty
ЖаңалықтарҚоғамМәдениетКөкшетауда Қостанай облысының күндері өтті

Көкшетауда Қостанай облысының күндері өтті

Шара аясында Ақмола облыстық тарихи-өлкетану мұражайының экспозиция ғимаратында Қостанай облыстық тарихи-өлкетану мұражайы «Көкшетау – Қазақстанның мәдени астанасы 2021» мұражайаралық инновациялық жобасы аясында көрме қорынан «Құт қонған Қостанай» көрмесін ұсынды.

«Құт қонған Қостанай» көрмесі экспозициясына келушілер Қостанай облысының мәдени және тарихи мұраларымен таныса алады. Көрмеде тас дәуірі, қола дәуірі мен ерте темір дәуіріндегі бірегей археологиялық олжалар; қазақ жауынгер-батырларының сауыттары мен қарулары, аңшылық құрал-саймандар; зергерлік бұйымдар, ұлттық киімдер мен өңір этносының тұрмыстық заттары тәрізді пайдалы қазбалардың сирек кездесетін үлгілері қойылған.

Сонымен қатар мұражайдың көркемдік коллекциясындағы қазақстандық бейнелеу өнерінің негізін қалаушылар мен жетекші шеберлердің – А.Қастеев, Н.Хлудов, Л.Леонтьев, Ж.Шарденов, Х.Наурызбаев, Г.Баянның, сондай- ақ атақты қостанайлық суретшілер мен қолданбалы суретшілер – Г.Соков, Н.Торшин, А.Шестаков, С.Луговой, Н.Халифаева, С.Шалунова, С.Ишанов, А.Анқауовтың сирек кездесетін туындылары қойылған.

Сонымен қатар, әлемдік музыка мәдениетінің озық үлгілері мен Құрманғазы, Тәттімбет, Дәулеткерей, Дина сынды дәулеткер күйші-композиторлардың өлмес мұраларын жаңғыртып, ұлттық өнерімізді насихаттап, дамытуға өз үлесін қосып жүрген Е.Өмірзақов атындағы Қостанай облыстық филармониясының Н.Молдахметов атындағы қазақ халық аспаптар оркестрі көкшетаулық көрермендерді бір серпілтсе, «Арқалық жасөспірімдер театры» Шыңғыс Айтматовтың «Ғасырдан да ұзақ күн» романының желісі бойынша  адамзат баласының басындағы ауырпалық, қайғы-қасірет, алдынан шыққан кедергілерге толы Едігенің өмірі бейнеленіп  қойылған «Мәңгүрт» (қасірет) спектаклімен  көрермендер ықыласына бөленді.

Іс-шараға  Ақмола облысының мәдениет, архивтер мен құжаттамалар басқармасының басшысы А.Сәбитова, Қостанай облысының мәдениет басқармасы басшысының орынбасары С.Әзімжанова Қостанай және Ақмола облыстық тарихи-өлкетану музейлерінің қызметкерлері, Көкшетау қаласының тұрғындары, жоғары оқу орындары мен колледж студенттері, БАҚ өкілдері қатысты.

Айта кетсек, «Рухани қазына» республикалық фестивальдің ұйымдастырушылар комитетінің шешімімен биылғы жылы «Қазақстанның мәдени астанасы» мәртебесін алған Көкшетау қаласында 2021 жылдың 7 қазанда Қостанай облысының мәдени күні деп белгіленді.

- Жарнама -Newspaper WordPress Theme

Соңғы жаңалықтар

Тауларда Қарағанды қаласының тұрғыны құтқарылды

Ер адам Бурабай курортының ең биік тауына көтеріліп, өздігінен түсе алмады. Оқиға орнына Ақмола облысы ТЖД Жедел-құтқару жасағының және «Бурабай» МҰТП құтқарушылары келген бойда Қарағандыдан...

Киелі мекендердің табиғатын бірге сақтайық

ҚР Президенті Іс Басқармасына қарасты «Бурабай-Даму» ЖШС, Бурабай курортында кезекті экологиялық акция өткізді. «Таза Қазақстан» жалпыұлттық экологиялық акциясы аясында Серіктестіктің 30 - дан астам...

Дәрігер – мамандықтың асылы!

Мемлекет басшысы өз Жолдауларында «Елімізге еңбекқор адам, кәсіби маман ең сыйлы адам болуға тиіс. Осындай азаматтар мемлекетімізді дамытады. Біз қарапайым еңбек адамына құрмет көрсетуіміз...

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...