Көкшетауда ұйымдастырылған ауыл шаруашылығы тауарларының жəрмеңкесінде 69,6 миллион теңгенің 70 тонна азық-түлік өнімі саудаға шығарылды, деп хабарлайды Koksheinform.

Тәуелсіздік алаңында ұйымдастырылған бұл жолғы жəрмеңкеге Ақкөл, Атбасар, Бурабай, Зеренді, Біржан сал, Сандықтау, Шортанды, Целиноград аудандарының және Көкшетау қаласының, сондай-ақ «КОКЅНЕ» ӘКК ҰК» акционерлік қоғамының ауыл шаруашылығы тауар өндiрушiлерi қатысты.

Жәрмеңкені аралап, дүңгіршектер мен ондағы өнім түрлерін қарап шыққаннан Ақмола облысының әкімі Ермек Маржықпаев азық-түлік бағасы мен сапасына назар аударды.

Облыстық ауыл шаруашылығы басқармасының мәліметінше, жәрмеңкеге өңірдің жүзге жуық ауыл шаруашылығы тауарын өндірушілер барлығы 69,6 миллион теңгеге 70 тоннадан астам өнім әкелген.

«Қала тұрғындары мен қонақтарына жергілікті өндірушілердің 40-тан астам азық-түлік түрлері, оның ішінде ет, ұн, сүт өнімдері мен балық, жұмыртқа, қант, күнбағыс майы нарық бағасынан 15-20 пайызға арзан ұсынылуда», — деді ведомстводан.

Сонымен бірге, жәрмеңкеде Ақмола облысының үздік көркемөнерпаз ұжымдары концерттік бағдарламасын ұсынды.