Дүйсенбі, Маусым 17, 2024
25.2 C
Kokshetau
23 C
Nur-Sultan
30 C
Almaty
ЖаңалықтарҚоғамБілім көкжиегіКөкшетауда «Жүрекпен есту құдыреті» атты есеп беру концерті өтті

Көкшетауда «Жүрекпен есту құдыреті» атты есеп беру концерті өтті

Балалар жылы аясында облыс орталығында есту қабілеті бұзылған балаларға арналған №4 арнайы түзету мектеп-интернаты тәрбиеленушілерінің жыл сайынғы есептік концерті өтті.

Бұл іс-шараның басты мақсаты ерекше білім беру қажеттіліктері бар балалардың денсаулығы мен әл-ауқаты проблемаларына қоғамның назарын аудару болып табылады.

2021-2022 оқу жылы №4 арнай мектеп-интернатының оқытушылары мен оқушылары уақыттарын әрдайым конкурстарға, фестивальдарға, концерттер мен олимпиадаларға дайындықпен өткізеді. Соның арқасында балалар жоғары нәтижелерге қол жеткізгенін айта кету керек.

Оқу жылын қорытындылау, оны үлкен концертпен аяқтау оқытушылар мен оқушылар ұжымының игі дәстүріне айналды. Мектептің жыл сайынғы есептік концерті атқарылған жұмыстардың қорытындысы іспеттес және мектеп оқушыларының жетістіктерінің көрсеткіші болып табылады.

Концертте мектептің ең жарқын және қызықты қойылымдары, балалардың бір жыл ішінде үйреніп білгендері көрермен назарына ұсынылды. Балаларды қолдап, әндерін тыңдап, жанды концерт көруге ата-аналар мен қонақтар келді. Көрермендер жан-тәнімен, үлкен сахнада алғашқы қадамдарын жасаған балалардың, сондай-ақ, облыстық, республикалық, халықаралық деңгейлерде жетістікке жеткен балалардың қойылымдарын үлкен ықыласпен қабылдады.

Концертті қазақ халқының тарихын бейнеленген «Аманат» биі ашты. жоғары сынып оқушыларының «Менің Қазақстаным», «Мен қазақпын», «Перемен», «Балаларды құшақтаңыз» әндері көрермендердің ыстық қошеметіне бөленді. «Губки бантиком», «Вальс», «Федерико», «На четвертом этаже» би нөмірлері  концертті одан әрі қыздыра түсті. Концертте орындалған саңырау адамдар әлемі туралы «Голос души» музыкалық-би композициясы тыңдармандар жүрегінен ерекше орын алды.

Оқушылардың сөйлеуін дамыту тұрғысынан логопедтер де өз жұмысын көрсетті. Сахна төрінен балаларға арналған өлеңдер оқылды. Балалардың қатысуымен «Балалық шақ», балалар мен мұғалімдердің қатысуымен «Менің гүлім», «Менің ересек қызым» әдеби монтажы орындалды.

Облыстық полиция департаменті «Родина» әнін орындап, өз шәкірттерін қолдады. Мектеп ұжымының орындауында көрермендерге «Аяулы алақан» биі, сондай-ақ «Возьмемся за руки друзья» ымдау әні ұсынылды.

Концерт соңында мектеп түлектері «Жақсылық жаса» ымдау әнін орындады. Балалар өздерінің концерттік бағдарламасымен барлық көрермендерді, ең бастысы осы оқу жылы бойы оқушылардың жетістігі мен табысқа жетуіне күш-қуат жұмсаған мектеп оқытушыларын қуантты.

Айта кетейік, мектеп-интернатта Көкшетау мен Ақмола облысынан келген жүзге жуық бала білім алады. Бұл есту қабілетінің әртүрлі деңгейлері, ауызша сөйлеуді қалыптастыру, білім беру қажеттіліктері мен мүмкіндіктері бар оқушылар.

- Жарнама -Newspaper WordPress Theme

Соңғы жаңалықтар

Екі азаматқа Қазақстан Республикасынан тыс жерлерге шығуды ресімдеу бойынша ақпараттық жүйедегі қателіктер түзетілді

Қазақстан Республикасы Мемлекеттік қызмет істері агенттігінің Департаментіне Ақмола облысы Есіл ауданының полиция бөлімі 2018 жылы Қазақстан Республикасынан тыс жерлерге тұрақты тұру үшін шығуға арналған...

Медицина қызметкерлері күні қарсаңында Ақмола облысында санитарлық авиация іске қосылды

Медицина қызметкерлері күні қарсаңында Ақмола облысында санитарлық авиация тікұшағы енгізілді. Бұл жаңалық облыс тұрғындарына шұғыл және жедел медициналық көмек көрсету уақытын айтарлықтай қысқартуға мүмкіндік...

Жаңа баспана алғандармен кездесті

Су тасқыны жөніндегі қоғамдық штабтың төрағасы, аудандық мәслихат депутаты Мейрам Қожахмет Старый Колутон ауылының тұрғындарымен кездесу өткізді. Ол көктемгі су тасқыны кезінде су басқан...

Астрахан ауданында су тасқынынан зардап шеккен отбасыларға тұрғын үй сатып алынып жатыр

Жақында ауданда болған су тасқынынан кейін кейбір елдімекендерде үйлер зақымданған еді. Үкімет пен жергілікті органдар зардап шеккендерге қалыпты жағдайға оралуға көмектесу үшін қолдан келгеннің...

Бұланды ауданында су тасқынынан зардап шеккен тұрғындарға көмек көрсету бойынша белсенді жұмыстар жалғасуда

А. ж. 10 маусымында Вознесенка ауылында залалды өтеу жөніндегі комиссия мүшелерінің жергілікті тұрғындармен кездесуі өтті. Кездесудің мақсаты мүлікті бағалау процесін және өтемақыны есептеу механизмін...