Дүйсенбі, Маусым 17, 2024
23.2 C
Kokshetau
28 C
Nur-Sultan
30 C
Almaty
ЖаңалықтарОқырман хатыКөкшетауда жаңа тұрғын үйдің қабырға кірпіштері опырылып түсті

Көкшетауда жаңа тұрғын үйдің қабырға кірпіштері опырылып түсті

Оқиға Сарыарқа шағынауданы 6/3 мекенжайы бойынша орналасқан көпқабатты тұрғын үйде болды. Бұл туралы аталмыш тұрғын үйдің тұрғындары әлеуметтік желіге бейнежазба жариялады. Онда 4 және 5 қабаттағы пәтерлердің ортасындағы қабырға кірпіштерінің опырылып түскенін көруге болады.

Желі қолданушылар Көкшетаудағы Сарыарқа шағынуданындағы өзге де тұрғын үйлердің сапасын сынға алуда. Олардың айтуынша, мұндағы жаңа тұрғын үйлердің бағасына сапасы сай емес көрінеді.

«Сарыарқа проблемасы көп аудан, мұндағы үйлер қалай болса, солай салын. Бұл үйлерде бюджет салада жұмыс істейтіндер тұрады», – дейді желі қолданушылардың бірі.

«Сапасы нөл, ал бағасы аспандап тұр», – дейді тағы бір желі қолданушы.

«Өтіп бара жатып салынып жатқан тұрғын үйлердің құрылысына назар аударамын. Барлық жерде осындай үйлер салынуда, қабырғалары жұқа, ортасы пенопласт», – дейді Люмила есімді желі қолданушы.

Осы ретте, Көкшетау қаласы әкімдігіндегілер кірпіштердің опырылып құлауынан тұрғындарға еш қауіптің жоқ екенін айтып сендіруде.

«Сарыарқа шағынаудандағы 6/3 тұрғын үйдің тұрғындарының өтінішіне сәйкес, биылғы жылдың 20 сәуірінде Көкшетау қаласының әкімдігімен тұрғындарға қауіп-қатерді болдырмау және жою бойынша шаралар қабылдау үшін инспекциялық шығу жүзеге асырылды. Аталған өтініш бойынша сервистік компания мамандары құлайын деп тұрған кірпіштерді алып тастады», – деп түсіндірді қала әкімдігінен.

Айта кетсек, жақында осы Сарыарқа шағынауданында электрмен жабдықтау жүйесінде апат орын алып, көптеген тұрғын үйлер 4 күн бойы жарықсыз отырған болатын.

- Жарнама -Newspaper WordPress Theme

Соңғы жаңалықтар

Екі азаматқа Қазақстан Республикасынан тыс жерлерге шығуды ресімдеу бойынша ақпараттық жүйедегі қателіктер түзетілді

Қазақстан Республикасы Мемлекеттік қызмет істері агенттігінің Департаментіне Ақмола облысы Есіл ауданының полиция бөлімі 2018 жылы Қазақстан Республикасынан тыс жерлерге тұрақты тұру үшін шығуға арналған...

Медицина қызметкерлері күні қарсаңында Ақмола облысында санитарлық авиация іске қосылды

Медицина қызметкерлері күні қарсаңында Ақмола облысында санитарлық авиация тікұшағы енгізілді. Бұл жаңалық облыс тұрғындарына шұғыл және жедел медициналық көмек көрсету уақытын айтарлықтай қысқартуға мүмкіндік...

Жаңа баспана алғандармен кездесті

Су тасқыны жөніндегі қоғамдық штабтың төрағасы, аудандық мәслихат депутаты Мейрам Қожахмет Старый Колутон ауылының тұрғындарымен кездесу өткізді. Ол көктемгі су тасқыны кезінде су басқан...

Астрахан ауданында су тасқынынан зардап шеккен отбасыларға тұрғын үй сатып алынып жатыр

Жақында ауданда болған су тасқынынан кейін кейбір елдімекендерде үйлер зақымданған еді. Үкімет пен жергілікті органдар зардап шеккендерге қалыпты жағдайға оралуға көмектесу үшін қолдан келгеннің...

Бұланды ауданында су тасқынынан зардап шеккен тұрғындарға көмек көрсету бойынша белсенді жұмыстар жалғасуда

А. ж. 10 маусымында Вознесенка ауылында залалды өтеу жөніндегі комиссия мүшелерінің жергілікті тұрғындармен кездесуі өтті. Кездесудің мақсаты мүлікті бағалау процесін және өтемақыны есептеу механизмін...