Облыстық Төтенше жағдайлар департаменті баспасөз қызметінің мәліметінше, қайғылы жағдай бүгін тамыздың 14-де Целиноград ауданының Тайтөбе ауылында орын алды.
«Жеке тұрғын үйдің аумағында көмір түсіру кезінде белгісіз зат жарылды. Соның салдарынан үй иесі – 1981 жылы туған ер адам көз жұмды. Бұдан бөлек, түрлі дене тілігі жарасымен үй иесінің ағасы 1977 жылы туған ер адам мен оның 2018 жылы туған баласы Нұр-Сұлтан қаласындағы №2 ауруханаға жатқызылды», — деді ведомстводан.
Қазіргі уақытта полиция қызметкерлері жедел тергеу шараларын жүргізуде.
