Ақмола облыстық Полиция департаменті баспасөз қызметінің мәліметінше, ағымдағы жылғы тамыздың 15-де Көкшетау қаласы Гоголь көшесінде ер адамның алкоголь өнімдерін заңсыз сатумен айналысатыны туралы жасырын ақпарат түскен.
Жедел-іздестіру іс-шараларының нәтижесінде полиция қызметкерлері 16-шы тамыз күні айтылған мекенжай бойынша алкоголь өнімдерін құю цехын анықтады. Жерасты цехын облыс орталығының 50 жастағы тұрғыны ұйымдастырғаны анықталды. Цехтың үй-жайын тексеру барысында полицейлер 200 литр этил спиртін, 40 блок контрафактілік темекі өнімдерін және алкоголь өнімдерін құюға арналған арнайы ыдыстарды тапты.
Алынған өнімнің үлгілері сараптамаға, сондай-ақ тұтынушылардың өмірі мен денсаулығы үшін сәйкестік және қауіпті анықтау тұрғысынан зерттеуге жіберілді. Іс материалдары Мемлекеттік кірістер басқармасына жолданды.
