Ақмола облысында Мемлекеттік қызметтегі адам ресурстарын дамыту орталығының кезекті отырысы өткізілді.
Іс-шараның мақсаты — персоналды басқару қызметтері өкілдерінің қабілеттерін және жұмыс тиімділігін одан әрі арттыру, реттеуді қажет ететін бағыттар бойынша тиісті ұсынымдар енгізу.
Отырысқа ауыл әкімдері, филиал ұжымы мен оқытушылары, тренерлер, мемлекеттік органдардың персоналды басқару қызметтерінің өкілдері қатысты.
Күн тәртібіне сәйкес отырыста мемлекеттік қызметшілерді оқыту және оның психологиялық аспектілері, HR сертификаттау, кадрларды стратегиялық басқару және оның мемлекеттік басқарудағы рөлі сияқты мәселелер талқыланды.
Департамент басшысының орынбасары Дархан Хайруллин «Мемлекеттік аппаратты кәсібилендірудегі жаңа тәсілдер» тақырыбында баяндама жасап, қолданыстағы заңнамаға енгізілген өзгерістер және оның нәтижелері туралы ақпаратпен бөлісті.
Отырыста персоналды басқару қызметтері өкілдерімен кері байланыс орнатылып, талқыланған тақырыптар бойынша тиісті ұсыныстар енгізілді.