Ақмола облыстық ПД баспасөз қызметінің мәліметінше, қанды қылмыс Степногорск қаласында орын алған. Қосылып арақ ішкен 28 және 29 жастағы екі ер адамның бірі екеншісіне аңшы мылтығымен оқ атқан. Салдарынан 29 жастағы ер адам Нұр-Сұлтан қаласындағы Травматология және ортопедия ғылыми- зерттеу институтының жансақтау бөліміне жатқызылды. Ал, оны атқан Степногор қаласының бұрын бірнеше рет сотты болған 28 жастағы тұрғыны ұсталды.
«Қазіргі кезде осы қылмысқа күдікті уақытша ұстау оқшаулағышына қамалып, үстінен «адам өлтіруге оқталу» бабы бойынша іс қозғалды», – деп түсіндірді ПД баспасөз қызметі.
