Сейсенбі, Мамыр 28, 2024
8.2 C
Kokshetau
7 C
Nur-Sultan
22 C
Almaty
ЖаңалықтарЭкономикаСубсидиялар тиімді болуы керек

Субсидиялар тиімді болуы керек

«Antikor.Live» жобасы аясында Ақмола облысы бойынша Сыбайлас жемқорлыққа қарсы іс-қимыл департаментінің әлеуметтік желілердегі парақшаларындағы тікелей эфирдің кезекті қонағы А.И.Бараев атындағы астық шаруашылығы ғылыми-өндірістік орталығының басқарма төрағасы, ауыл шаруашылығы ғылымдарының докторы, профессор Нұрлан Серекпаев болды.

Сұхбат барысында спикер кәсіпорын қызметінің негізгі бағыттары, жүргізілетін ғылыми зерттеулер және практикалық қолдану, өңірдің ауыл шаруашылығындағы экспорттық әлеуеті, сондай-ақ даму перспективалары туралы айтып берді.

Айта кетейік, А.И. Бараев атындағы астық шаруашылығы ғылыми-өндірістік орталығы астық, бұршақ, майлы, жемдік дақылдарды өсіру және жаңа сорттарды құру технологияларын әзірлеу бойынша қолданбалы зерттеулермен айналысатын республикадағы жетекші мекеме болып табылады. Жұмыс кезеңінде Орталық ғалымдары 200-ден астам сорт шығарып, мемлекеттік сорттық сынауға берді, селекциялық жетістіктерге 99 патент, 12 инновациялық, пайдалы модельге 10, өнертабысқа 6 патент алды. Ақмола облысының егіс алқаптарының 80% – ы орталық әзірлеген сорттармен себілген (негізінен жаздық бидай мен арпа).

АӨК саласындағы субсидиялау мәселелері туралы айта келе, Нұрлан Серекпаев өткен жылдардың тәжірибесіне сүйене отырып, барлық ауыл шаруашылығы өндірушілері субсидия ала алмайтынын, яғни субсидия алуға өтінім берген 100 адамның ішінен тек 50 фермер ғана субсидия ала алатынын атап өтті. Бұл бюджет қаражатының жетіспеушілігіне де, субсидиялау тетігінің жетілмегендігіне де байланысты. Сондықтан қазір осы саланы жан-жақты талдау қажет.

Оның пікірінше, субсидиялау жүйесін барынша ашық және айқын ету, субсидиялар алуға тең қолжетімділікті қамтамасыз ету, оларды берудің нақты критерийлерін әзірлеу, субсидиялар беруді цифрландыруды қамтамасыз ету қажет.

«Еңбек өнімділігін арттыру және өсімдік шаруашылығы не мал шаруашылығы өнімдерінің жалпы табысын ұлғайту үшін ауыл шаруашылығы тауарын өндірушілерді субсидиялаудың тиімді жүйесін әзірлеу кезінде нәтижеге, өндірістің тиімділігіне бағдарлану қажет деп санаймын. Кез келген фермер мемлекеттің қолдауына сенімді болуы тиіс, бұл ретте ол ауыл шаруашылығын дұрыс жүргізіп, өңірге пайда әкелуі, өз ісін жүргізудің жақсы тарихы болуы тиіс», – деді спикер.

Сонымен қатар, Орталық басшысы атап өткендей, субсидиялардың қандай түрлері республиканың азық-түлік қауіпсіздігін тиісті қамтамасыз ету үшін неғұрлым тиімді болатынын анықтау қажет. Өсімдік шаруашылығы саласында ауыл шаруашылығы өндірушілеріне өсірілуі қиын, бірақ саланы дамыту үшін қажетті дақылдар бойынша субсидиялар беруге назар аудару қажет.

Сондай-ақ, аграрлық сектор мемлекеттік қолдау туралы біле отырып, осы дақылдарды өсірумен айналысуға ынталандырылатын болады.

- Жарнама -Newspaper WordPress Theme

Соңғы жаңалықтар

С.Нұрмағамбетов -100 жыл: Көкшетауда «Батырлардың даңқы мәңгілік» атты әскери – танымдық іс – шарасы өтті

Ақмола облысы Ішкі саясат басқармасының «Қоғамдық даму орталығы» КММ ұйымдастыруымен Халық Қаһарманы, Тәуелсіз Қазақстанның тұңғыш қорғаныс министрі Сағадат  Нұрмағамбетовтың  100 жылдық  мерейтойына орай «Батырлардың...

Көлік құралдарын заңсыз тіркегені үшін сотталды

ЖШС-нің директоры «О.» бұрынғы полиция инспекторы «К.»-мен бірлесіп, 2020 жылдың желтоқсаны - 2022 жылдың қаңтары аралығында шетелден әкелінген көлік құралдарын тіркеуді жүйелі түрде ұйымдастырған....

Аршалы ауданында жүк цистернасынан тұз қышқылы төгілді

Аршалы ауданының Сарыоба станциясында жүк цистерналардың бірінен тұз қышқылының төгілуі орын алды. Ағып кету пайда болған жарықтан пайда болды. Облыстық және аудандық штаб дереу орналастырылды....

Ақкөл қаласында Сағадат Нұрмағамбетовке ескерткіш ашылды

Ақкөл қаласында Кеңес Одағының Батыры, Халық Қаһарманы, тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдық мерейтойына арналған салтанатты іс-шара өтті. Оған...

Жолшылар Көкшетау қаласының мектеп түлектерімен кездесті

Жолшылар Көкшетау қаласының мектептерінің түлектерімен кездесті. Жол активтерінің Ұлттық сапа Орталығының Ақмола облысы бойынша филиалы ұжымы арнайы мектепке барып, кәсіби-бағдар беру дәрісін өткізді. Кездесуге...