Ағымдағы жылы прокуратура органдарының бастамасы бойынша қылмыстық процесте азаматтардың конституциялық құқықтарын қорғау саласында бірқатар заңнамалық бастамалар қабылданды.
Мәселен, ҚР Бас прокуратурасы Ішкі істер министрлігімен, Қаржы мониторингі агенттігімен және сыбайлас жемқорлыққа қарсы қызметпен бірлесіп сотқа дейінгі тергеп-тексеру және жазаны орындау сатысында азаматтардың конституциялық құқықтары мен бостандықтарының сақталуын қамтамасыз ету жөніндегі бірлескен нұсқаулықты бекітті.
Енді құқық қорғау органының басшысы күшпен әкелудің заңдылығы мен негізділігін қамтамасыз етуге, азаматтарды жеткізу мен ұстауға, сондай-ақ азаптау мен ар-намысты қорлайтын әрекеттерге жол бермеуге дербес жауапты болады.
Бұдан басқа, кезекші прокурордың рөлі күшейтілді.
Қабылданған заңнамалық бастамаларды ескере отырып, ағымдағы жылы ұсталған азаматтардың саны 96 адамға азайды ( 248-ден 152-ге дейін).
Прокурорлар қылмыс жасады деген күдікпен ұсталған 12 адамды босатты (39).
Қамауда ұстау түріндегі бұлтартпау шарасын таңдау саны да 39% – ға азайды (247-ден 152-ге дейін).
Заңсыз ұсталған адамдардың жалпы төмендеуі жүйелі түрде жүргізілетін «Қорғау» қадағалау-алдын алу іс-шараларының есебінен де орын алды.
Бұл бағыттағы жұмыс жалғасуда.
Ақмола облысы прокуратурасының баспасөз қызметі.
