Сейсенбі, Мамыр 28, 2024
8.2 C
Kokshetau
7 C
Nur-Sultan
22 C
Almaty
ЖаңалықтарӘлемҚытайлық археологтар Тибетте ежелгі жартас суреттері мен тас құралдарын тапты

Қытайлық археологтар Тибетте ежелгі жартас суреттері мен тас құралдарын тапты

Қытайлық археологтар Тибеттегі Намцо көлінің маңында археологиялық зерттеу миссиясы барысында ежелгі жартас суреттері мен тас құралдарын тапты. Бұл туралы «Жэньмин жибао» басылымы Қытай Орталық телевидениесіне (CCTV) сілтеме жасап хабарлайды.

Мәліметтер бойынша, ғылыми экспедиция биыл тамыз айында басталған. Ғылыми экспедиция тобы Намцо көлі мен оның төңірегінде үңгірдегі жартас суреттеріне, сондай -ақ Тибеттің солтүстігіндегі шөл далада жартасқа қашалған суреттерге кешенді және жүйелі зерттеу жүргізді.

Қытайлық археологтар Тибеттің солтүстігінде тас құралдар, тас қабірлер мен құрбандық жәдігерлері сияқты көптеген көне мәдени артефактілер мен тарихи орындарды тапты. Оның ішінде тек Намцо көлінің орталығындағы Заши аралында ғана археологтар 53 жерден жартас суреттерін анықтаған.

Археологтар Заши аралындағы үңгірлердің боялған жартас суреттері негізінен минералды пигменттерден жасалғанын айтады. Түсінің көп бөлігі қызыл, бірақ аз мөлшерде қара түс те кездеседі.

Суреттер негізінен аңшылық, мал бағу, құрбандық шалу, жекпе-жек, жерлеу, құдайға табыну т.б. бейнелейді. Ғылыми зерттеу кезінде табылған ең үлкен жартастағы суреттің биіктігі 65 см, ені 48 см, онда адамның беті бейнеленген.

Бұл қазіргі уақытта Тибетте табылған ең үлкен сурет. Археологтар бұл суреттер шамамен 1800 жыл бұрын салынған болуы мүмкін деп болжайды.

Ғылыми зерттеулер солтүстік Тибет үстіртін мекендеген көшпелі халықтар басқа этникалық топтармен байланысқа түскенін дәлелдейді, дейді ғалымдар.

Дереккөз:  ҚазАқпарат

- Жарнама -Newspaper WordPress Theme

Соңғы жаңалықтар

С.Нұрмағамбетов -100 жыл: Көкшетауда «Батырлардың даңқы мәңгілік» атты әскери – танымдық іс – шарасы өтті

Ақмола облысы Ішкі саясат басқармасының «Қоғамдық даму орталығы» КММ ұйымдастыруымен Халық Қаһарманы, Тәуелсіз Қазақстанның тұңғыш қорғаныс министрі Сағадат  Нұрмағамбетовтың  100 жылдық  мерейтойына орай «Батырлардың...

Көлік құралдарын заңсыз тіркегені үшін сотталды

ЖШС-нің директоры «О.» бұрынғы полиция инспекторы «К.»-мен бірлесіп, 2020 жылдың желтоқсаны - 2022 жылдың қаңтары аралығында шетелден әкелінген көлік құралдарын тіркеуді жүйелі түрде ұйымдастырған....

Аршалы ауданында жүк цистернасынан тұз қышқылы төгілді

Аршалы ауданының Сарыоба станциясында жүк цистерналардың бірінен тұз қышқылының төгілуі орын алды. Ағып кету пайда болған жарықтан пайда болды. Облыстық және аудандық штаб дереу орналастырылды....

Ақкөл қаласында Сағадат Нұрмағамбетовке ескерткіш ашылды

Ақкөл қаласында Кеңес Одағының Батыры, Халық Қаһарманы, тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдық мерейтойына арналған салтанатты іс-шара өтті. Оған...

Жолшылар Көкшетау қаласының мектеп түлектерімен кездесті

Жолшылар Көкшетау қаласының мектептерінің түлектерімен кездесті. Жол активтерінің Ұлттық сапа Орталығының Ақмола облысы бойынша филиалы ұжымы арнайы мектепке барып, кәсіби-бағдар беру дәрісін өткізді. Кездесуге...