Сот сыбайлас жемқорлық құқық бұзушылық туралы қылмыстық іс бойынша жария сот отырысын өткізді. Үкімді жария етуге, осындай құқық бұзушылықтардың алдын алу мақсатында, Бурабай ауданының әкімдігі мен құрылыс бөлімінің өкілдері шақырылды.

Сотпен, Бурабай ауданының ТКШ және тұрғын үй инспекциясы бөлімінің басшысы «А.» (ҚК-нің 189-бабы 3-бөлігінің 1),2)-тармақтары) және мердігерлік ұйымы директорының орынбасары «Т.» (ҚК-нің 28-бабының 3-бөлігі, 189-бабы 3-бөлігінің 1),2)-тармақтары) адамдар тобында, қызметтік жағдайын пайдалану арқылы, жымқыру жолымен бюджет қаражатын ірі мөлшерде ұрлағаны үшін сотталды.

«А.» мердігер «Т.»-мен сөз байласып, Зеленый Бор кентіндегі қазандықтың ауа өткізгішін жеткізу және монтаждау бойынша жұмыстарды қабылдап, 12 млн. теңгеге жуық актілерге қол қойған. Іс жүзінде бұл жұмыстар орындалмаған.
Сотталғандардың кінәсі куәгерлердің айғақтарымен, сараптамалармен және істің басқа материалдарымен дәлелденді.

Жаза тағайындауда сот кінәлілердің келтірілген залалды өз еркімен өтегендерін, «А.»-да кәмелетке толмаған баланың болуын, екі сотталушының жұмыс орны мен тұрғылықты жері бойынша оң сипаттамаларын, соттылықтың болмауын — жеңілдететін мән-жайлар ретінде, сондай-ақ ауырлататын мән-жайлардың болмауын ескерді.

Сот үкімімен «А.» — 2 жыл 4 айға, «Т.» — 2 жыл 8 айға бас бостандықтарынан айырылды. Сонымен қатар, әрқайсысы мемлекеттік қызметте өмір бойы қызмет атқару құқығынан да айырылды.

Үкім заңды күшіне енген жоқ.

Ақмола облысы Бурабай аудандық соты.