Сәрсенбі, Маусым 19, 2024
14.2 C
Kokshetau
14 C
Nur-Sultan
19 C
Almaty
ЖаңалықтарҚоғамЖастардың әлеуетін тиімді қолдану қажет

Жастардың әлеуетін тиімді қолдану қажет

Елімізде мемлекеттік басқару жүйесін жаңғырту мақсатымен ауқымды реформалар жүзеге асырылуда. «Халық үніне құлақ асатын мемлекет» тұжырымдамасы аясында билік пен халық арасындағы өзара сенімді күшейтетін, мемлекетімізді одан әрі өркендетіп, азаматтардың әл-ауқатын арттыруды және тұрмыс сапасын жақсартуды көздейтін озық ойлы әрі бәсекеге қабілетті мамандар қажеттілігі өте зор.

Осыған орай, Президентіміз Касым-Жомарт Тоқаевтың тапсырмасына сәйкес елімізде екінші рет Президенттік жастар кадр резервіне іріктеу жүргізілетін болады. Бұл жобаның басты мақсаты – қоғам мүдделерін басшылыққа алатын және маңызы зор әрі тиімді реформаларды іске асыра алатын жас таланттардың әлеуетін іске асыру.

Резервке іріктеу барысын барынша ашық және әділ өткізу мақсатында Қазақстан Республикасының Президенті жанындағы Жастар кадр резерві бойынша Ұлттық комиссия резервке іріктеудің арнайы тәртібі мен жоспарын бекітті. Осыған сәйкес кандидаттарды іріктеу ағымдағы жылдың 1 қыркүйегінен басталып, нәтижесінде 50 резервші іріктелетін болады.

Іріктеуге 35 жастан аспаған, жоғары білімді, кем дегенде 5 жыл еңбек өтілі бар Қазақстан Республикасының азаматтары қатыса алады. 2019 жылы ұйымдастырылған іріктеуге қарағанда, бұл жолы кадрларды іріктеу процесі талап етілген білімдерді, дағдылар мен қабілеттерді ғана емес, сонымен қатар кандидаттардың шынайы мақсаттары мен құндылықтарын анықтауға бағытталған.

Іріктеу барысында кандидаттардың күрделі сандық және мәтіндік ақпаратпен жұмыс істеу, ситуациялық тапсырмаларды шешу қабілеттері бағаланып, құрылымдалған мінез-құлық сұхбаты ұйымдастырылады.

Сонымен қатар Ассессмент-орталығы арқылы кандидаттардың жаңа формация көшбасшыларына тән стратегиялық ойлау, қызметті басқару, белсенділік сияқты қасиеттеріне баға беріледі.

Елі мен жерінің көркеюіне перзенттік үлесін қосатын таңдаулы жастардың қатарына кірем деуші азаматтардың құжаттарын қабылдау 1 – 30 қыркүйек аралығында арнайы pkrezerv.gov.kz онлайн-платформасында іске асырылатын болады.

Резервке іріктеу туралы соңғы шешім Жастар кадр резерві бойынша Ұлттық комиссиямен қабылданатын болады. Резервтің құрамына кірген маман 3 жыл ішінде мемлекеттік лауазымға тағайындалуға құқылы.

Өзінің келешегін күні бұрын ойлайтын мемлекет алдымен жас азаматтардың қабілет-қарымын шыңдап, тиісті дәрежеде көңіл бөлетіні түсінікті.

Осындай жастарды мемлекеттік басқару аппаратына көбірек жұмылдыру қажет, себебі олардың ойлары ұшқыр, көзқарастары қалыптасқан, әлемдік тенденцияларды жақсы түсінеді.

Президенттік жастар кадр резерві – жас буын өкілдерінің жауапты қызметке келуі үшін жасалып отырған игі бастама. Бұл жоғары лауазымды қызметке орналасу ғана емес, ұлт үшін, ел үшін, халық үшін аянбай тер төгу деген сөз.

Бұл жобаның тиімділігін алғашқы іріктеуден байқауға болады. Резервке кірген 300 азаматтың ішінде 106 адам жеке сектордан, 98 адам квазимемлекеттік сектордан, 96 адам мемлекеттік қызмет жүйесінен болды. Бүгінгі таңда олардың 184-і немесе 60% жұмысқа тұрғызылып, еліміздің түрлі секторларында еңбек етуде.

Мемлекет басшысы Қасым-Жомарт Тоқаев өзінің «Тәуелсіздік бәрінен қымбат» атты мақаласында: «Дарынды жастарды басшылардың жаңа буынын даярлауға барынша тартып жатырмыз. Менің бастамаммен құрылған Президенттік кадр резерві – осының айқын дәлелі. Жобаның келесі кезеңінде қоғам мүддесіне адал көшбасшыларды іріктеуге ерекше назар аударамыз. Билік органдарындағы азаматтар, ең алдымен, ұлттық мүддеге берік болуға тиіс» деп атап өтті.

Бұл сөзбен келіспеуге болмайды, себебі елімізге ұлттық мүддені терең сезінетін жастар керек.

Президент айтқандай, жастар – тың идеялардың қайнар көзі, оң өзгерістердің қозғаушы күші.

Сондықтан өскелең ұрпақтың осындай әлеуетін дұрыс арнаға бағыттап, тиімді пайдалану қажет. Білімді әрі білікті жас мамандардың ортақ мүдде үшін топтасатын, ұлтты биікке жетелеп, жаңаша дамуға бастайтын маңызды әрі жауапты сәт келді.

Берген Беспалинов, Қазақстан Республикасы Мемлекеттік қызмет істері агенттігінің Ақмола облысы бойынша департаментінің басшысы, Әдеп жөніндегі кеңес төрағасы.

 

- Жарнама -Newspaper WordPress Theme

Соңғы жаңалықтар

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...

Көлік инфрақұрылымын жақсарту жұмыстары қарқынды

Биыл Ақмола облысында жүздеген шақырым автомобиль жолдары жөнделеді. Қазір Республикалық маңызы бар магистральдардағы жол төсемі қарқынды жаңартылуда. Олардың біршама бөлігі ұзақ уақыт бойы жөндеуді...

Автомобиль жолдарын тазарту жұмыстары жүргізілуде

Ақмола облысындағы республикалық жолдардың бойында бес мың текше метрден астам қоқыс жиналды. Соңғы уақытта жол жиектері тазаланып, жол бойындағы сервис объектілері ретке келтірілді. Өңірде республикалық...

SCAT әуе компаниясының Boeing-735 ұшағы Көкшетауға қатынамақшы

Ақмола облысы Туризм басқармасының мәліметінше, жолаушылардың көбеюіне байланысты SCAT әуе компаниясы 17 маусым мен 31 тамыз аралығында Ақтау мен Шымкент қалаларына қатынайтын рейстерге жолаушылар...