Күрделі жөндеуден өткеннен кейін ғимараттар өзгеретіні жасырын емес. Жақында ғана біз Аршалы ауданындағы Анар станциясы мектебінің 85 жылда көрмеген жаңартудан кейінгі өзгерістер туралы жазған едік.
Күрделі жөндеуден кейін білім беру ұйымдары жаңа кабинеттер мен жабдықталған шеберханаларды ғана емес, сонымен қатар спорт алаңдары мен ыңғайлы тұрағы бар абаттандырылған аумақты пайдалана алады.
Биыл Ақмола облысында 35 мектепті жөндеу жоспарлануда. Олардың көпшілігі ондаған жылдар бұрын салынған және жөндеуді қажет етеді. Біздің есептеулеріміз бойынша мектепті күрделі жөндеуге орта есеппен шамамен 350 млн. теңге жұмсалады.
«35 мектептен басқа жөндеу жоспарына 2 балабақша, дарынды балаларға арналған мектептегі 1 интернат ғимараты, 2 арнайы білім беру ұйымы және балаларға арналған 2 сауықтыру орталығы енді.
Сонымен қатар, биылғы жылы күрделі жөндеу жұмыстары негізінен ауылдық жерлерде орналасқан нысандарда жүргізіледі», – деді басқарма басшылығы.
Сондай-ақ, жыл сайынғы косметикалық жөндеулерден басқа ұйымдарда әзірленген сметалық құжаттамаға сәйкес ағымдағы жөндеулер жүргізіледі.
Өткен жылы 43 білім беру нысаны түбегейлі өзгерді, бұл мектептер, балабақшалар және Щучинск қаласындағы колледж жатақханасы.
Айта кетейік, өңірде 5 мектептің құрылысы жалғасып жатыр. Олар осы жылдың соңына дейін ашылады деп жоспарлануда. Сонымен қатар, «Жайлы мектеп» ұлттық жобасы аясында көбінесе елорда маңындағы аудандарда орналасқан тағы 9 мектеп салынуда.
