Сот жүйесіндегі сыбайлас жемқорлықтың алдын алу шеңберінде Департамент Қылмыстық істер жөніндегі мамандандырылған ауданаралық сот төрағасының міндетін атқарушы және ұжымымен кездесу өткізді.
Сөз сөйлеу барысында Департаменттің превенция басқармасы басшысының орынбасары Абай Жаналинов кездесуге қатысушыларға жемқорлыққа қарсы заңнамадағы новеллаларды және Сыбайлас жемқорлыққа қарсы саясаттың 2022-2026 жылдарға арналған тұжырымдамасының ережелерін түсіндірді.
Атап айтқанда, Тұжырымдамада соттар мен құқық қорғау органдарындағы сыбайлас жемқорлықтың алғышарттарын барынша азайту, сондай-ақ сот билігінің тәуелсіздігін одан әрі күшейту және құқық қорғау органдары қатарының тазалығын қамтамасыз ету қажеттілігі көзделген.
Құқық қорғау органдарының қызметкерлері, судьялар, пара берушілер мен парақорлыққа делдалдарға сыбайлас жемқорлығы үшін санкцияларды күшейту жөніндегі заңнамалық түзетулерге ерекше назар аударылды. Маңызды новеллалардың бірі құқық қорғау және арнайы органдар қызметкерлерінің қылмыс жасауға арандатқаны үшін қылмыстық жауапкершілікке тартылуы болды.
Сондай-ақ, спикер өңірдің Сыбайлас жемқорлық тәуекелдері картасының бағыттары, «Бизнеске жол» және «Сыбайлас жемқорлыққа қарсы волонтерлік» жобалары, сондай-ақ цифрлық теңгенің көмегімен «ақшаны бояу» тетігі туралы айтып берді.
Соңында қатысушыларға сыбайлас жемқорлыққа қарсы бейнероликтер көрсетілді.
