-18.2 C
Kokshetau
-18.2 C
Kokshetau
Сәрсенбі
Ақпан, 1

БАҚ арасында сыбайлас жемқорлыққа қарсы тақырыптағы өткен байқау қорытындысы шығарылды

Айдарлар:

Ақмола облысында бұқаралық ақпарат құралдарының өкілдері арасында сыбайлас жемқорлыққа қарсы бағыттағы үздік журналистік жұмыстарға конкурс өтті.

Іс-шараны облыстық Ішкі саясат басқармасы және Сыбайлас жемқорлыққа қарсы іс-қимыл аумақтық департаменті ұйымдастырды.

Конкурстың негізгі мақсаты – сыбайлас жемқорлыққа қарсы мәдениетті қалыптастыруға қоғам мен журналистердің назарын аудару, сондай-ақ сыбайлас жемқорлыққа қарсы іс-қимыл мәселелерін кеңінен және объективті жария еткені үшін БАҚ өкілдерін көтермелеу.

Журналистика ардагерлері мен жұртшылық өкілдері кірген конкурстық комиссия ұсынылған материалдарды қарау кезінде мәселені талдаудың тереңдігі мен толықтығына, баяндау стиліне, авторлық ойдың дербестігіне және материалды беру ерекшелігіне назар аударылды.

Байқау қорытындысы бойынша «үздік телевизиялық жұмыс» номинациясын «Қазақстан» РТРК АҚ облыстық филиалының орыс редакциясының шеф-редакторы Сәния Кобжосарова жеңіп алды. «Үздік баспа басылымы» номинациясында бірінші орынды «Бурабай» газетінің редакторы Жеңіс Оспанов, ал «Үздік интернет-жарияланым» номинациясында «ҚазАқпарат» ХАА-ның аймақтағы меншікті тілшісі Аслан Оспанов жеңіп алды.

Ұйымдастырушылардың айтуынша, бұқаралық ақпарат құралдары билік пен қоғам арасындағы белсенді диалог алаңы қызметін атқара отырып, халықты сыбайлас жемқорлыққа қарсы іске асырылып жатқан барлық бастамалар мен іс-шаралар туралы хабардар етуге көмектеседі. Цифрландыру дәуірінде БАҚ-пен сенімді серіктестер ретінде тығыз және берік қарым-қатынас азаматтардың сыбайлас жемқорлыққа қарсы мәдениетін қалыптастырудағы маңызды басымдықтардың бірі болып табылады.

Соңғы мақалалар

- Advertisement - spot_imgspot_img

Тақырып бойынша мақалалар

Өзге де мақалалар