Облыс аумағында ағымдағы жылғы 12-15 желтоқсан аралығында қоғамдық тәртіпті сақтауға, көшелерде және басқа да қоғамдық орындарда қылмыстардың алдын алуға, жолын кесуге бағытталған «Құқықтық тәртіп» республикалық жедел-профилактикалық іс-шарасы өтуде.
ЖАІШ барысында ЖБО бейнебақылау жүйелерін пайдалана отырып, қоғамдық орындар мен көшелерді бақылау күшейтілді, полицейлер ІІО-да есепте тұрған адамдарды тексеруді жүзеге асырады, тыйым салынған заттарды (есірткі құралдары, атыс қаруы, жарылғыш заттар және т.б.) заңсыз сақтайтын немесе тасымалдайтын адамдарды анықтау бойынша жұмыстар жандандырылды. Облыс жолдарында жол қозғалысын қадағалау күшейтілді, патрульдік полиция жасақтары тығыздалды.
Арнайы құрылған мобильді топтар көппәтерлі тұрғын үйлердің аулаларында, ойын-сауық мекемелері ауданында және азаматтар көп шоғырланған басқа жерлерде патрульдеу ұйымдастырды. Саяжай алаптарын, демалыс аймақтарын, құрылыс объектілерін, базарларды, шаруа және фермер қожалықтарын, шалғай учаскелерді, қыстақтарды және басқа да шалғай жерлерді азаматтарды еңбекке пайдалану, қару-жарақ заттарын заңсыз сақтау және т. б. фактілерін анықтау үшін тексеру жүзеге асырылады.
