Сәрсенбі, Маусым 19, 2024
13.2 C
Kokshetau
15 C
Nur-Sultan
20 C
Almaty
ЖаңалықтарҚоғамАқмола облысында «Қыс – 2021» оқу-жаттығуы басталды

Ақмола облысында «Қыс – 2021» оқу-жаттығуы басталды

Бүгін Ақмола облысында «Қыс-2021» Республикалық командалық-штабтық оқу-жаттығулары басталды, оған Төтенше жағдайлар департаментінің аумақтық бөлімшелері, облыстық Азаматтық қорғау қызметтері, БАҚ, оқу-жаттығуға қатысатын мекемелер, кәсіпорындар мен ұйымдар басшылары қатысты, – деп хабарлайды Ақмола облысы ТЖД баспасөз қызметі.

Республикалық командалық-штабтық жаттығу азаматтық қорғаудың мемлекеттік жүйесін одан әрі жетілдіру және оның алдын алу жөніндегі іс-қимылдарға тексеру мақсатында жүргізіледі. Төтенше жағдайларды жою, сондай-ақ азаматтық қорғау қызметтерінің басқару органдарын, күштері мен құралдарын қысқы кезеңдегі төтенше жағдайларға ден қоюға даярлау жөніндегі жұмысты ұйымдастырады.

Төтенше жағдайлар департаментінің басшысы Нұрлан Атығаевтың айтуынша, оқу-жаттығуды өткізу орны ретінде Ерейментау ауданы таңдалды.

«Биыл біз Ерейментау қаласын кездейсоқ таңдаған жоқпыз. Географиялық жағдайлары мен аумақтық орналасуы бойынша жыл сайын дәл осы ауданда қысқы кезеңде автомобиль жолдарында кептелістер болады. Бүгін аудан орталығына облыстық Азаматтық қорғау қызметінің барлық өкілдері келді. Қысқы кезеңге дайындық тексерілуде», – деді Нұрлан Атығаев.

Естеріңізге сала кетейік, мұндай оқу-жаттығулар жыл сайын республиканың барлық облыстарында өтеді. Оқу-жаттығу жұмыстарын пысықтау мақсатында облыстың барлық қалалары мен аудандарында жедел штабтар құрылды.

Құтқарушылар төтенше жағдайлар кезінде барлық санитарлық-эпидемиологиялық және карантиндік нормаларды сақтай отырып, екі күн қатарынан нақты уақыт режимінде іс-қимыл алгоритмдерін пысықтайтын болады.

Өткен жылдың қыс мезгілінде Департаменттің бөлімшелері полиция департаментімен, қалалар мен аудандар әкімдіктерімен, жол қызметтерімен бірлесіп қар құрсауынан 89 бірлік техниканы сүйретіп шығарды. Республиканың автожолдарында авариялық-құтқару жұмыстарын жүргізу үшін ТЖ құтқару бөлімшелері 69 шығуды жүзеге асырды. 550-ден астам адам құтқарылды және эвакуацияланды, жылыту пункттерінде 817 адам орналастырылды.

Ақмола облысы ТЖД баспасөз қызметі.

- Жарнама -Newspaper WordPress Theme

Соңғы жаңалықтар

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...

Көлік инфрақұрылымын жақсарту жұмыстары қарқынды

Биыл Ақмола облысында жүздеген шақырым автомобиль жолдары жөнделеді. Қазір Республикалық маңызы бар магистральдардағы жол төсемі қарқынды жаңартылуда. Олардың біршама бөлігі ұзақ уақыт бойы жөндеуді...

Автомобиль жолдарын тазарту жұмыстары жүргізілуде

Ақмола облысындағы республикалық жолдардың бойында бес мың текше метрден астам қоқыс жиналды. Соңғы уақытта жол жиектері тазаланып, жол бойындағы сервис объектілері ретке келтірілді. Өңірде республикалық...

SCAT әуе компаниясының Boeing-735 ұшағы Көкшетауға қатынамақшы

Ақмола облысы Туризм басқармасының мәліметінше, жолаушылардың көбеюіне байланысты SCAT әуе компаниясы 17 маусым мен 31 тамыз аралығында Ақтау мен Шымкент қалаларына қатынайтын рейстерге жолаушылар...