Ақмола полицейлері бұрын жасалған қылмысты ашты. Алаяқтық фактісі туралы арыз ағымдағы жылдың 4 сәуірінде Степногорск қаласының полиция басқармасына келіп түсті.
Теміртау қаласының 45 жастағы тұрғыны, InDrive жолаушылар тасымалы сервисінің такси жүргізушісінің айғақтары бойынша оған жолаушының аты ғана белгілі болды. Белгісіз адам Теміртау қаласынан Степногорск қаласына дейін таксиге тапсырыс берген. Баратын жеріне келгеннен кейін қаскөй жол ақысын төлемей, алаяқтық жолмен қашып кеткен. Залал сомасы 70 мың теңгені құрады.
Жедел-іздестіру іс-шаралары барысында полиция қызметкерлері Степногорск қаласының тұрғынын анықтады, оның алаяқтық фактісіне қатысы тексерілуде.
Полиция басқармасы осы фактіге сәйкес ҚР ҚК 190-бабының 1-бөлігі «Алаяқтық» бойынша сотқа дейінгі тергеп-тексеруді бастады.
