27 қарашада Ішкі істер министрінің бұйрығымен Ақмола облысы ПД қалалық және аудандық полиция басқармалары мен бөлімдерінің бірқатар басшылары тағайындалды.
Степногорск қаласы Полиция басқармасының бастығы лауазымына полиция полковнигі Сақанов Талғат Әбдірахманұлы тағайындалды, ол бұрын Қосшы қаласының полиция бөлімін басқарған.
Т. А. Саканов 1973 жылы 25 наурызда Ақмола облысы Егіндікөл ауылында дүниеге келген. Ішкі істер органдарында қызметін 1996 жылы Ақмола облысының Краснознаменск (қазіргі Егіндікөл) ауданы бойынша МТКБ қызметкері болып бастады. Сол жылы ол кіші жедел уәкіл лауазымына тағайындалды және әр уақытта әртүрлі жедел қызметтерде жұмыс істеді.
Саканов Талғат Әбдірахманұлы Целиноград ауданының полиция бөлімі бастығының орынбасары, Егіндікөл және Астрахан аудандарының полиция бөлімдерін басқарды. 2021 жылы Қосшы қаласының полиция бөлімі ашылғаннан кейін үлкен тәжірибе мен кәсіби білімді ескере отырып, Т.А. Саканов осы бөлімшенің басшысы болып тағайындалды.
28 қарашада жаңа басшыны Степногорск қаласы полиция басқармасының жеке құрамына ПД бастығының орынбасары полковник Б. Е. Ералин таныстырды.
ҚР ІІМ-нің осы бұйрығымен Қосшы қаласы полиция бөлімінің бастығы лауазымына Ішкі істер органдарында 30 жылдан астам қызмет атқарған полиция полковнигі Азамат Ташкенбайұлы Аушакимов тағайындалды.
А. Т. Аушакимов Ішкі істер органдарында қызметін ҚР ІІМ Қарағанды жоғары мектебінің курсанты болып бастады. Бейінді білім алғаннан кейін Көкшетау облысы ІІБ Щучье ҚІІБ жедел уәкілі, содан кейін тергеушісі болып тағайындалды. Әр уақытта тергеуші, аға тергеуші, Астрахан АІІБ бастығының тергеу жөніндегі орынбасары, Анықтау және Тергеу басқармасы бастығының орынбасары болып жұмыс істеді.
Азамат Ташкенбайұлы Департаменттің Анықтау басқармасын, Целиноград ауданының полиция бөлімін басқарды. Соңғы лауазымы – Шортанды ауданының полиция бөлімінің бастығы.
Ішкі істер министрінің бұйрығымен Шортанды ауданының полиция бөлімін полиция полковнигі Ерлан Қалиұлы Оразбаев басқарды.
Е. Қ. Оразбаев 1979 жылы 22 тамызда Ақмола облысында дүниеге келген. ҚР ІІМ Қарағанды жоғары мектебін бітіргеннен кейін, 2000 жылы қызметін Қарағанды облысы Нұра ауданының ӘПБ учаскелік инспекторы қызметінен бастады. Әр уақытта жедел және тергеу бөлімшелерінде жұмыс істеді, Қарағанды облысы ІІД Приозерск қаласының Ішкі істер бөлімін, Қарағанды қаласы ІІБ Киров полиция бөлімін, Нұра ауданының полиция бөлімін басқарды. Соңғы лауазымы – Қарағанды облысы ПД Көші-қон қызметі басқармасының бастығы.
Қосшы қаласы полиция бөлімінің және Шортанды ауданы ПБ жеке құрамына жаңа басшыларды ПД бастығының бірінші орынбасары полковник С. М. Әбутәліпов таныстырды.
