Әйелдер арасындағы жарыста қыздар екі күміс және бір қола жүлдеге ие болды, деп хабарлайды Ақмола облысы дене шынықтыру және спорт басқармасының баспасөз хатшысы Махаббат Большина @sport_akmola.
Қазанда (Татарстан) Тәуелсіз Мемлекеттер Достастығы елдерінің алғашқы ойындары өтуде, оған Әзірбайжан, Армения, Беларусь Республикасы, Қазақстан, Қырғызстан, Молдова, Ресей, Тәжікстан және Өзбекстаннан келген 1 139 спортшы қатысуда. 14-23 жас аралығындағы атлеттер спорттың 16 түрінен бақ сынайды.
Ақмола облысының спортшылары әйелдер күресінен үш медаль жеңіп алды. Күміс жүлдегерлер Эллада Махяддинова (53 келіге дейін) және Альбина Қайыргельдинова (68 келіге дейін) болды. 62 келіге дейінгі салмақ дәрежесінде жеңіс тұғырының үшінші сатысына Ирина Кузнецова көтерілді.
