-16.6 C
Kokshetau
-16.6 C
Kokshetau
Сәрсенбі
Ақпан, 1

«AMANAT» партиясы Ақмола облыстық филиалы активінің отырысы болып өтті

Айдарлар:

«AMANAT» партиясы Ақмола облыстық филиалының төрағасы Ермек Маржықпаевтың қатысуымен облыстық партия активінің отырысы болып өтті. Онда Мемлекет басшысы, Партия Төрағасы Қасым-Жомарт Тоқаевтың Қазақстан халқына арнаған Жолдауының басым бағыттары талқыланды.

Онлайн форматта өткен облыстық партия активінің отырысын жүргізген партияның облыстық филиалының атқарушы хатшысы Ғалым Бекмағамбетов Жолдаудың партия жұмысына қатысты басым бағыттарына тоқталды.

Ол өз сөзінде Президенттің саяси реформалары партияны нығайта түсетінін айтты. «AMANAT» партиясы жаңа саяси кезеңге де, партия алаңына қатысты жаңа ережелерге де дайын.

Біріншіден, «AMANAT» – бұл дербес және өз бетінше әрекет етуге қабілетті, қалыптасқан институт. Оның барлық қажетті ресурстары – ұйымдастырушылық, материалдық-техникалық, кадрлық, кең ауқымды филиалдар желісі, үлкен электоралды тәжірибесі, идеологиялық белсенділері мен сенімді қолдаушылардың қалыптасқан өзегі, нақты идеологиялық платформасы бар.

Екіншіден, біздің партия трансформациялау бағдарламасын қабылдап, оны жүзеге асыруға кірісіп кетті. Ол партия жұмысына елеулі өзгерістер жасауға бағытталған. Партия аппаратының тиімділігін арттырудағы ерекше екіпін берілген тұсы – орталықсыздандыру (децентрализация). Қазір бұл бағытта үлкен жұмыстар атқарылуда. Алғашқы нәтижелер де жоқ емес»,-деді.

Бұл ретте Ғалым Мәдешұлы партияның Қоғамдық қабылдау бөлмелерінің облыс және аудан орталықтарынан шалғай орналасқан елді-мекендерінде мобильді қабылдау жүргізуді бастағанын мысал ретінде келтірді. Сөйтіп, партия қарапайым халықпен бірге екендігін көрсетуде.

Партияның актив отырысында сөз алған облыстық мәслихат хатшысы Мұрат Балпан биліктің жергілікті атқарушы және өкілді органдарының жұмысын жандандыру бойынша Мемлекет басшысы белгілеген басымдықтарына тоқталды. Ел Президентінің мәслихаттардың рөлін арттыру, олардың дербестігін қамтамасыз ету қажеттігіне мән бере отыра, облыстық мәслихат депутаттарының бұл бағытта атқарылған жұмыстарына да тоқталды.

Мәселен, өткен жылы депутаттық корпус 600 сұрақтан тұратын тізімді қалыптастырып, облыстық экономика және бюджеттік жоспарлау басқармасына қарауға жіберген. Нәтижесінде олардың 42% – ы оң шешімін тапқан.

Жиында сондай-ақ, ҚР Мемлекеттік қызмет істері Агенттігінің Ақмола облысы бойынша департаментінің басшысы – Әдеп жөніндегі Кеңестің Төрағасы Берген Беспалинов, партияның Сандықтау аумақтық филиалының атқарушы хатшысы Лариса Ловягина және Целиноград ауданының Мәншүк ауылының әкімі, ауылдағы бастауыш партия ұйымының төрағасы Ғани Исаев сөз сөйледі.

Айта кетейік, Ғани Қуантайұлы 2021 жылы «AMANAT» партиясы атынан алғашқы ауыл әкімдерінің сайлауына қатысып, басым дауыспен жеңіске жеткен болатын. Ол бүгінде халықтың сенімінен шығып отыр. Себебі, ауылда оның бастамасымен бірқатар игілікті істер атқарылған.

«Мәншүк Мәметова ауылының әкімі болған алғашқы кезеңде ауыл тұрғындарының өмір сүру сапасын жақсарту бағытында қыруар істер атқарылды: барлық жолдарға асфальт төселді, көше жарығы орнатылды, жаңа балабақша, жас мамандарға арналған жатақхана, мамандарға арналған үйлер, шағын-маркет, жаңа кафе, спорттық алаңы салынды, жаңа су құбыры тартылды және т.б.

Тұрғындарымыздың үмітін ақтап, 2021 жылдың шілде айында өткен ауыл әкімдерінің сайлауында маған дауыс беру арқылы халық осы қызметті тағы да сеніп тапсырды», – деді ол өз сөзінде.

Партия активіне қатысушылар Президенттің жүйелі проблемалармен күресудің нақты тиімді тетіктерін ұсынғанын атап өтті.

Соңғы мақалалар

- Advertisement - spot_imgspot_img

Тақырып бойынша мақалалар

Өзге де мақалалар