Ағымдағы жылдың 4 наурызында Целиноград ауданының полиция бөлімінің кезекші бөліміне Раздольное ауылының 19 жастағы тұрғынынан оның 43 жастағы анасының үйден кеткені және полицияға жүгінген сәтке дейін оның қайда екені туралы мәліметтің жоқтығы туралы арыз келіп түсті.

Жоғалған әйел бұрын бұл туралы жақындарын хабардар етпестен бірнеше рет үйден кеткені анықталды, ал соңғы кеткен күні ол жұмыс берушісінен алдын-ала сұранған.

Полиция қызметкерлері жоғалған адамды іздеуге бағытталған іс-шараларды дереу ұйымдастырды. Полиция қызметкерлері Ақмола облысының аумағында жоғалған әйел туралы бағыт-бағдар жіберді. Оның орналасқан жері тексеріліп, туыстары мен таныстары сұралды.

Іздестіру іс-шараларының нәтижесінде Целиноград ауданы ПБ криминалдық полиция қызметкерлері бір тәулік ішінде Нұр-Сұлтан қаласының Лесозавод ауданында екенін анықтады, онда әйел танысымен бірге уақытша үйді жалға алған. Қазіргі уақытта әйелдің үйден кетуінің мән-жайлары мен себептері анықталуда.

Әйел үйге оралғаннан кейін ұлы анасын сәтті іздегені үшін ризашылығын білдіру үшін полицияға бейнежазба жазуды жөн көрді.
Полиция қызметкерлері жоғалған адамды іздеу үшін белсенді әрекеттердің басталуына негіз – жоғалып кету жағдайларына қарамастан, қайда екені белгісіз адамның жоғалып кетуі екенін еске салады. Сонымен бірге, тәртіп сақшылары полицияға уақытылы жүгінуді сұрайды.

Ақмола облысы ПД баспасөз қызметі.