Көкшетау көшесінде жанжал шығарған бір топ адам әкімшілік жазаға тартылды, деп хабарлайды Koksheinform ҚР ІІМ Телегерам арнасына сілтеме жасап.
5 мамыр күні «Әскер-7» экипажы облыс орталығын патрульдеу кезінде Әуелбеков-Сағдиев көшелерінің қиылысында жанжалдасқан бір топ жасты байқаған.
Қоғамдық тәртіп бұзушылықты болдырмау мақсатында тәртіп сақшылары төрт ер адамды ұстап, полиция басқармасына жеткізді.
Жүргізілген медициналық куәландыруға сәйкес, қала тұрғындары мас күйінде болған. Сондай – ақ ұсталғандардың барлығы компьютерлік фирмалардың бірінің әріптес-қызметкерлері екені анықталды.
Жанжалдың барлық қатысушылары Әкімшілік құқықбұзушылық туралы кодекстің 440-бабы бойынша әкімшілік жауапқа тартылды.
