Жексенбі, Шілде 14, 2024
19.9 C
Kokshetau
16 C
Nur-Sultan
16 C
Almaty
ЖаңалықтарAMANATПартияның республикалық мобильді қабылдауы Астрахан ауданында болды

Партияның республикалық мобильді қабылдауы Астрахан ауданында болды

«AMANAT» партиясы шалғай орналасқан ауылдық елдімекендерде мобильдік қоғамдық қабылдауларды жүргізуді жалғастыруда. Осы жолы партияның республикалық мобильді қоғамдық қабылдау бөлімінің өкілдері Астрахан ауданының Колутон станциясында болып, ауыл тұрғындарын толғандырған мәселелері бойынша қабылдады. Еске сала кетейік, бұл бастама партияны трансформациялау жұмыстарының азаматтармен кері байланысты күшейту тармағының аясында жүзеге асырылуда.

800-ге жуық тұрғыны бар Колутон станциясы тұрғындары үшін басты мәселе бұл жұмыссыздық. Екі қолға бір күрек таба алмай отырған ауыл тұрғындары бүгінде малмен күн көріп отыр. Сондықтан олар үшін жайылым мен шабындық жердің жетіспеушілігі өткір тұр.

«Бізде 450 бастай жылқы бар, 750 бас қара мал, қойдың саны 2200 дей боп қалады. Соған бізде жайылым жер жоқ. Жайылым жер жетіспейді халыққа, шабындық деген атымен жоқ. Су келген жылдары, су тасыған кездері өзеннің жағалауындағы шабындық жерге мал жаямыз, қалғанын шауып аламыз. Енді шабындық аз, қыста малды қалай асыраймыз деген уайыммен отырмыз»,- дейді барлық ауылдықтардың атынан сөйлеген тұрғын.

Астрахан ауданы әкімінің орынбасары Руслан Мұқановтың айтуынша, ауданда соңғы жылдары бос жерлердің аукционы өткізілмеген. Оған басты себеп, бос қалған жерлерді елді мекен халқының пайдалануына беру. Мәселен, өткен жылы 7,5 мың га, ал биыл 4 мыңға жуық га жер ауылдық округтерге қайтарылған.

«Соңғы жылдары бос қалған жерлер жекенің қолына тағы өтіп кетпесі үшін аукцион өткізіп жатқан жоқпыз. Ал босаған жерлерді ауылдықтарға қайтарудамыз. Мәселен, жуырда ғана Жарсуат жанындағы Ягодноеның жерлерін ауыл халқына қайтардық. Сондай жұмыстар әлі де атқарылады»,-дейді.

Қабылдау барысында ауылдықтар балабақша мен клуб ашу, ғаламтор жылдамдығын арттыру және ең төменгі зейнетақы мөлшерін арттыруға қатысты мәселелерді көтерді.
Балабақшаға келсек, бүгінде Колутон станциясындағы орта мектепке күрделі жөндеу жұмыстары жүргізілуде. Ол аяқталған соң, мұнда мектепке дейінгі балаларға арналған шағын орталық ашу мәселесі қаралады. Ауылдық округ әкімі Әскерхан Балғабаевтың айтуынша, ауылда сондай-ақ, екі көшенің жолдарына жөндеу жұмыстары қолға алынбақ. Жалпы, елді мекен тұрғындары өздері сайлап алған әкімдерінің жұмысына көңілдері толатынын айтады.

#AMANATпартиясы
#AMANAT_Aqmola

- Жарнама -Newspaper WordPress Theme

Соңғы жаңалықтар

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...

Мемлекеттік аппаратты кәсібилендірудегі жаңа тәсілдер

Мемлекеттік қызметшілердің парызы - халыққа бағдарланған мемлекеттік аппараттың тиімді жұмысын қамтамасыз етуде біртұтас механизм іспетті қызмет ету. Осынау жауапты қызметті абыроймен атқарып, ел үмітін...